影片
更多
2019-04-03
16 瀏覽
今晚就同屋企人近近地喺荃薈食，呢頭有間樓下冰室，不嬲都有食開，平日都好好生意，不過D人食得好快，唔洗點等嘅。呢度裝修比較有特色，好似D懷舊冰室，好多霓虹燈招牌。坐到卡位，都算舒適。menu選擇多，好多都係招牌，例如蕃茄湯通、瑞士雞翼、雞脾等等，都好正，價錢又唔貴。老實講見隔離枱嘅滑蛋叉燒幾正，但我最終都係食番我最鐘意嘅蕃茄湯通。蕃茄濃湯通粉配牛乳炒蛋+招牌瑞士雞脾呢個餐好豐富，蕃茄濃湯真係濃郁，茄味好出，唔會好杰撻撻，又唔會好似水咁，啱啱好。酸酸地，好開胃，多數食下食下就飲埋D湯。炒蛋滑溜，而雞脾亦都好正，好入味，而且唔會話好鞋，仲好大隻添，輕輕用刀一切就開跟住點左份咖喱牛腩飯，飯量多，咖喱香，唔會辣，撈飯一流。牛腩都ok，腍身。屋企人就食埋西多士，呢度係醬多，另上糖漿，獨立包裝，比較衛生。西多香脆，花生醬都算平均，味道唔錯呢。飲品點左華田脆脆，勁滿足！
menu選擇多，好多都係招牌，例如蕃茄湯通、瑞士雞翼、雞脾等等，都好正，價錢又唔貴。老實講見隔離枱嘅滑蛋叉燒幾正，但我最終都係食番我最鐘意嘅蕃茄湯通。
蕃茄濃湯通粉配牛乳炒蛋+招牌瑞士雞脾
呢個餐好豐富，蕃茄濃湯真係濃郁，茄味好出，唔會好杰撻撻，又唔會好似水咁，啱啱好。酸酸地，好開胃，多數食下食下就飲埋D湯。炒蛋滑溜，而雞脾亦都好正，好入味，而且唔會話好鞋，仲好大隻添，輕輕用刀一切就開
跟住點左份咖喱牛腩飯，飯量多，咖喱香，唔會辣，撈飯一流。牛腩都ok，腍身。
屋企人就食埋西多士，呢度係醬多，另上糖漿，獨立包裝，比較衛生。西多香脆，花生醬都算平均，味道唔錯呢。
飲品點左華田脆脆，勁滿足！
張貼
