越男仔

營業中

休息中

其實去越南仔都唔係第一次，印象中就係呢到嘅食物幾抵食，今次我叫咗一個晚餐，連Starter加Main Course都係百幾蚊，但始終係東南亞食物嘅緣故，味道偏濃。呢度有好多特色湯粉，之前食過酸汁湯檬，味道就似係泰國嘅椰汁雞湯；今次我食蕃茄湯底，試下個感覺。我叫左碗蕃茄牛肉湯檬，濃郁嘅湯底，搭上蔥同炸蒜，豬扒切好一塊塊，檬粉硬身。小食方面，我叫咗個無骨鳳爪沙律🥗，沙律汁微酸開胃，鳳爪軟身，連埋帶有肉鬆嘅紙米卷一齊食，係幾好食。飲品方面，我叫左個朱古力滴漏咖啡，呢杯野簡單而言，就係將朱古力粉同埋滴漏咖啡融合埋一齊，由於要保持返咖啡嘅濃郁，我雖然叫左凍飲，但最後冇將咖啡倒落冰底入面，大家可以考慮一下要熱飲。我亦都叫多左一杯秘製香茅薑蜜，甜得黎薑味重，飲完之後成身會勁暖，幾舒服。