泰濃麵 (樂道)

營業中

休息中

近排開始潮濕又熱，朋友話想食下泰國野過下癮。於是就搵到呢間泰濃麵試一試😛 晚市容易等位，唔洗同人逼。餐廳擺咗好多船麵相，又播緊泰文歌，頗有泰國小餐館嘅感覺。 我自己叫咗頂級安格斯牛肉船湯配黃麵。船湯果然如餐廳店名一樣咁香濃👍🏻 牛肉上菜時唔係全熟，好嫩。不過記得要盡快食，唔係會變老😢 另外配豬皮令到整道菜更添口感，係有心思嘅選擇。 另外朋友叫嘅頂級肥牛冬陰功湯河，有大大隻蝦好似好吸引咁～ 冬陰功唔太辣呀，唔鐘意食辣都可以食完。 泰式炸蝦餅，蝦片好脆！另外配嘅泰式辣醬幾好味，開胃得嚟一啲都唔辣。 龍眼冰，好多龍眼肉係面～ 總體唔太甜。 餐牌有更luxury嘅選擇，但價錢頗貴。其餘價錢合理，尖沙咀旺區算係咁。