影片
更多
2012-01-05
19 瀏覽
9月7日, 趁放假決定一早去排隊~ 試下呢個長龍人氣拉麵王!! 皇天不負有心人, 趁佢未開門之前已經到達排隊, 幸好門前人龍都未算太長~ 店員喺我地排隊時已經派定order紙, 邊等邊諗下食咩, 等咗大約15分鐘, 剛好趕及成為佢今日第一批食客!::: 豚王 ::: $75當然唔少得要試個原味先啦, 濃濃嘅湯底, 加上2塊大大塊嘅叉燒, 配上冬菜同蔥粒, 睇賣相已經贏咗唔少日式拉麵店~ 超濃烈豬骨香嘅湯雖然好似好多油喺面, 但係飲落都唔算太膩, 可以話香濃得嚟又唔會嗆喉, 亦唔會搶咗麵條本身嘅麵粉香, 拉麵夠爽口彈牙, 絕對唔係隔夜貨! 叉燒亦係數一數二質素, 少少肥可以帶出叉燒嘅肉地, 瘦嘅肉又剛好咬得開, 好惹味! 無論湯底, 拉麵同叉燒都做到好完美, 更甚可以同日本地道拉麵相比~::: 翠王 ::: $90呀菲就叫咗比豚王更濃更香嘅翠王. 名副其實, 翠王嘅賣相真係夠晒翠綠~ 湯面上有一層十分香濃嘅蒜油, 仲有超重手嘅芝士粉… 原本已經好濃豬骨味嘅湯底, 撈勻埋其他湯料之後, 質地更稠更杰, 更濃更香! 呢度既拉麵比較幼身, 煮出嘅軟硬度亦做到客人嘅自訂要求~ 口感煙韌而且拉麵夠
::: 豚王 ::: $75
當然唔少得要試個原味先啦, 濃濃嘅湯底, 加上2塊大大塊嘅叉燒, 配上冬菜同蔥粒, 睇賣相已經贏咗唔少日式拉麵店~ 超濃烈豬骨香嘅湯雖然好似好多油喺面, 但係飲落都唔算太膩, 可以話香濃得嚟又唔會嗆喉, 亦唔會搶咗麵條本身嘅麵粉香, 拉麵夠爽口彈牙, 絕對唔係隔夜貨! 叉燒亦係數一數二質素, 少少肥可以帶出叉燒嘅肉地, 瘦嘅肉又剛好咬得開, 好惹味! 無論湯底, 拉麵同叉燒都做到好完美, 更甚可以同日本地道拉麵相比~
::: 翠王 ::: $90呀菲就叫咗比豚王更濃更香嘅翠王. 名副其實, 翠王嘅賣相真係夠晒翠綠~ 湯面上有一層十分香濃嘅蒜油, 仲有超重手嘅芝士粉… 原本已經好濃豬骨味嘅湯底, 撈勻埋其他湯料之後, 質地更稠更杰, 更濃更香! 呢度既拉麵比較幼身, 煮出嘅軟硬度亦做到客人嘅自訂要求~ 口感煙韌而且拉麵夠索湯~ 勁好味! 叉燒又軟又淋, 有豐富油香, 好嫩口~ 成碗野好味到連湯都飲埋! 不過溫馨提示, 呢個翠王真係非一般嘅漏~ 怕膩者就咪試.
::: 任加配料 :::本身食開拉麵嘅附加配料都不多乎蘿蔔絲嗰d, 但係呢度嘅任加配料直情可以當做加料咁, 非常出色~ 有少少辣嘅酸菜肉碎好似炸醬咁, 好開胃, 加落湯度可以消除豬油嗰d油膩感~ 另外仲有款芽菜, 呢個唔辣嘅好爽口, 似係韓式嗰隻芽菜前菜~ 同枱嘅人都唔駛錢係咁加, 連食完麵嘅都加落湯度再食過~ 真係好好味~
::: 汽水 ::: $13 x 2店方係幾體貼開夠2個大風扇係咁吹, 不過大熱天廿幾度坐喺街邊食個熱辣辣拉麵, 都會標晒汗, 雖然有凍水任飲, 不過都係叫個汽水嘆下~ 可惜汽水唔夠凍, 又要$13一罐… 下次都係食完先去買野飲.
好欣賞呢到不論湯底濃度、油同蒜茸嘅份量、麵身嘅軟硬度甚至配料你都可以自己話事~ 雖然人多, 但勝在服務同氣氛都好好~ 就連煮麵師傅都特別幽默風趣! 今日唔係排咗好耐隊就有得食, 不過如此高質素拉麵, 要我地再排耐d都值!!
張貼
