相馬日式火鍋 (已結業)

我都唔知一個月內我會打幾多次邊爐，今日同友人食飯，揀左呢間超新嘅火鍋店，相馬日式火鍋位於荃灣大鴻輝中心，來過呢度用餐應該知道，成棟大廈餐廳多，如果食飯時間搭電梯非常多人，雖然有兩邊電梯分流，但都要有心理準備要等，訂座位就預早少少到喇餐廳喺21樓，同其他樓層唔同，比較闊落，日式火鍋店裝潢，幾企理舒適，加埋大玻璃窗，坐窗邊位都好舒服。中間嘅座位呢係一人一鍋用，幾特別。晚市分幾款套餐，美國進口牛/特選牛/頂級牛小排/澳洲和牛，價錢係168蚊起，我地揀左特上澳洲和牛套餐，每位368(星期一至四)，包左澳洲和牛、海鮮(蝦、蠔、帶子)、豚肉、雞肉、日本鹿兒島頂級黑豚任食，仲有自助區配料、雪糕、飲品任飲。首先揀湯底，清湯/甜豉油/辣湯/泡菜/蕃茄/豚骨/牛乳等，雙拼加18，仲有D特別嘅湯底例如牛腸鍋、香菜鍋等。我地揀左蕃茄、芫茜雙拼。鐘意食牛舌，仲可以每位加28蚊任食。湯底都ok嘅，唔會話好淡，蕃茄果邊都有好多蕃茄粒；芫茜果邊如果可以加D皮蛋啊咁就更好。肉類、海鮮好快上枱，蠔都幾大隻，唔會縮水得好緊要，帶子幾有彈性，最讚係大蝦喇，夠新鮮澳洲和牛好靚仔，整齊，紋路平均，唔會好肥，入口嫩腍，完全唔乾豚肉