新沙洞澡堂 (已結業)

天寒地凍梗係想食餐飽飯、沖個熱水涼再瞓覺啦～今日就帶咗朋友去新沙洞澡堂⋯⋯去食飯澡堂食飯係咩玩法？其實係餐廳將韓國澡堂文化融入裝潢，牆身鋪上瓷𥖁；牆上安裝花灑同鏡；仲有座位係佈置到好似浴缸咁，好有特色。晚市韓式豬肉包菜套餐【生菜包豬肉配自家製醬汁(2人用)】生菜、豬肉、調味料都擺到整整齊齊，當然要相機食先。豬肉脂肪比例接近一半，食落口感軟腍。我就用大大塊生菜包住豬肉片，再加辣醬、青椒片、蒜片，入口先係爽口清新生菜，然後就到香辣刺激醬汁味嘅軟腍豬肉；朋友鍾意香口啲就用紫蘇葉包豬肉再放上蒜片，亦有另一番風味。跟餐有半份炸雞同兩杯飲品。炸雞我哋揀咗【雪花芝士味】。外皮非常香脆，裡面就係熱辣辣又juicy嘅嫩滑雞肉，無骨食落啖啖肉，好滿足～【香檳萄萄梳打特飲】，雖然炸雞絕配係啤酒，不過飲住香甜葡萄味嘅梳打都好夾丫～【熱可可】，天氣凍飲杯熱飲增加熱量，夜晚又好瞓啲～【韓式牛肉部隊鍋(含芝士）】冬天食韓國菜一定要食部隊鍋啦。滾起咗就聞到香辣味，材料有年糕香腸串、金菇、牛肉、午餐肉、芝士、皇帝菜、辛辣麵，好豐富。先食碗湯麵，麵條夠彈牙掛汁力高，再一塊厚切午餐肉放入口，酸酸辣辣嘅味道嘅湯底刺激味蕾，胃