餸記潮食 (已結業)

朋友住大坑附近，佢推介話餸記潮食唔錯，咁我地一行三人就入去醫肚。星期日好在早少少，唔係就要等位🙈🍅精品六宮格 $168賣相好吸引，啱晒我地打卡😆。精品有秋葵，海蜇，話梅蕃茄，酸菜，豆腐，皮蛋，樣樣都好好食😋最鐘意嘅係話梅番茄，味道好特別，酸酸甜甜又開胃🥃艾雷威士忌鵝肝 $228鵝肝質感軟綿，味道甘香，第一次咁加入威士忌酒，味道特別之餘仲可以去膩，讚❤️！🐓秘制口水雞 $168分量都幾多，皮脆肉嫩，口水汁又惹味，唔算太辣，可以食小辣嘅朋友都接受到😄🦢潮滷拼盤 $228有滷水鵝肉豬腸同埋滷水豆腐，鵝肉滷得好入味，但又唔會蓋過鵝嘅鮮香味，肉質好鮮嫩，唔錯😙最怕豬大腸爆晒肥膏，呢個豬腸有肥有瘦，入口富嚼勁👍🏼軟綿豆腐索晒個滷水汁，好食🥰🥬時令時蔬 $118炒油麥菜，炒到立立令，爽脆清甜，加入少少蒜蓉，已經好好食，好快就清晒碟🥰🍲招牌鵝油伴麵 $118未食過呢個，見店員推介話好多客都話好食，咁我哋都整番碟✋，每條麵都上晒色，味道剛好又唔會太鹹，仲有滿滿鵝油香，但不會覺得油膩🙈，真係十分邪惡，不過記住要趁熱食🥢，如果唔係凝固咗嘅油就會將麵黐埋一齊🙈