一坐低，老闆就好熱情咁推介佢哋有新品項爆汁小籠包，特登嚟到，決定試埋佢！
午市嚟到，都幾多人，但唔需要等好耐就有位，叫咗幾道菜，好快就上了。
蟹黃生煎包 - $18@1 👍🏻👍🏻
真係好爆汁，仲食到一粒粒嘅蛋黃膏，本身就鍾意食蟹黃嘅我，覺得正😋
原味小籠包 - $40@1籠 👍🏻
呢個都一樣係爆汁，肉汁清甜😋但呢間嘅小籠包皮有啲特別，唔同一般一夾就穿，亦唔係嗰啲好麵粉感嘅小籠包皮，係滑捋捋，有少少厚度嘅包皮，有創意得黎幾好食
麻醬手撕雞粉皮 - $35 🆗
略嫌麻醬味唔夠濃
排骨蔥油拌麵 - $42 👍🏻
麵質爽口彈牙，有驚喜，蔥油味都好香，對比同性質舖頭嘅蔥油拌麵較為出色，至於排骨就係炸排骨，都炸得幾香口，但係如果胃口不大，可以單點蔥油拌麵
雞絲酸辣湯 - $30
個人很喜歡，酸辣平衡啱啱好，不會太油或者太杰身，夏天無咩胃口，點呢個幾好
豆漿 - $8@杯
大愛！超濃豆味，都香滑，同埋係低糖，甜度岩岩好，飲到最尾會有少少豆渣，但我覺得飲埋都好香，其實飲得出係用心製作，如果佢哋有得出枝裝賣就好🙈缺點係太細杯～～～
有機會會再去其他分店食🤔
