釣魚翁 燒鵝．海鮮飯店 (已結業)

因為只得三個人，沒有訂位，六點去碰吓運氣，只有近門口燒鵝風干櫃前一張細枱。招牌燒鵝例牌先上，我同老媽每人食兩大塊鵝髀肉，其他部份阿女清哂 (因佢遲到)， 非常甘香滑溜，反映風乾過程做得非常專業， 一絲不苟。籠仔豉汁蒸大鱔， 大大碟(籠)有超過10両白鱔，材料費街市自己買都要過百，這裏才收一百四十八，取價算很克己。 阿女 唔俾老媽同我食得太鹹，貼心地將豉汁洗淨先比我地食， 但仍然覺得好鮮味， 證明係用新鮮材料唔係急凍貨。冰梅骨， 係源自潮州菜梅羔骨， 但係加入左廣東燒味元素 ，味道更上一層樓。， 係改良自潮州大芥菜煲，湯底咸鮮味濃，用一個小火爐上， 效果非常不錯。另外也要了味菜鵝腸同鮮蝦荷葉飯，前者用新鮮鵝腸，味道不俗。後者用料很夠，但蝦肉有少少蘇打粉味，不過老媽也連盡二碗。值得一提是這裏的每碟菜份量都很大方，我最怕一些"小家"歺廳，令人食得很寒酸。大厨團隊應有潮州菜同粵菜既大師傅，希望佢地更進一步， 多做一d跨菜系既fusion 菜式。