一喜車仔麵

營業中

休息中

平時比較少食車仔麵，但係今次入咗呢間車仔麵檔係因為見到佢主打潮汕粉麵。唔係睇中佢啲麵，係睇中佢嘅料。除咗優質牛丸、墨魚丸之外，仲有其他特色嘅配料。黃金雞湯潮汕四寶一定要試嘅就係佢哋呢個小食，有爆汁牛丸、墨魚肉墨丸之外，仲有馬駮豬肉丸，同埋小米粿。小米粿係蕃薯粉外皮包住豬肉。最緊要嘅就係佢嗰個黃金色嘅南瓜雞湯，加埋紫菜，非常之好味，放河粉同麵都一流。另加咗一份白蘿蔔，非常清甜，一啲渣都冇，強烈建議加一份。另外佢嗰咖喱三寶都好濃味，咖哩膽好香好辣，叫車仔麵可以加呢個咖喱汁就夠曬惹味喇。