陳鵬鵬潮汕菜館

估唔到！估唔到！內地出名嘅陳鵬鵬終於喺沙田開咗喇，就在新城市7樓，超方便，想食嘅時候就唔需要趕返去喇。去沙田就得啦！今日同朋友過去，環境舒服，座位都闊落，唔會擠迫。一落座，服務員就上咗餐前小食同4杯功夫茶過嚟，杯茶飲落去清香。睇咗菜單，然之後就用QR code落單，一定要食佢嗰個金獎鵝肝，兩種嘅食法一種係鹵水，另一種就係用糯米紙包鵝肝最嫩噶部分，食落去好creamy，入口即溶鵝肝嘅香味喺口腔中飄蕩，鹵水嘢做法就將鵝肝嘅騷味覆蓋咗，入口會多咗鹵水嘅香味，七秒鵝腸，鵝腸大塊還有少少脂肪，食落去爽口彈牙冇騷味，呢個真係要食，份量唔少，性價比高，還有鵝紅鋪底，鵝掌滷得入味，但係又唔係軟爛嗰種，食落去似爽脆嘅膠原，南澳蠔仔餅，用新鮮嘅蠔仔配上雞蛋加薯粉做嘅餅底，煎出嚟香脆中帶有煙韌，又食到蠔仔嘅新鮮重點就係唔會食到蠔殼碎，蠔仔都唔係細粒，家鄉炒果條，都頗有鑊氣，配上菜脯青菜魚餅條，口感豐富。呢間下次可以同朋友再嚟，一定要食埋佢其他嘅出品。

7秒鵝腸

$68

金獎鵝肝（例）

$98

鵝掌

$48

南澳蠔仔烙

$98

家鄉炒粿條

$78

1