鎔記潮州飯店

營業中

休息中

今個新年留港消費，四出辦年貨，陪阿媽去以前老街坊潮州店打冷，九龍城新店，地方企理乾淨，食得舒服，價錢經濟實惠！大門前櫥窗掛滿各式各樣的潮州打冷滷味，最吸引我眼睛的就是鹵水鵝，這是必吃的！《餐前三小碟》食潮州打冷從餐前嘅小食，就可以睇得出店舖師傅嘅功力，簡簡單單嘅菜莆、酸菜、花生；大排檔風味回來了！《招牌滷水鵝》長輩們喜歡有骨落地，沒有選擇鵝片，滷水鵝肥瘦剛剛好，有啲脂肪更好味；鹹香美味， 肥大肉厚，肉質爽滑；滷水汁夠醇厚，滷水花生入味，豆腐豆味鮮。《豉椒炒蜆》跟大排檔一樣有鑊氣的小炒， 豆豉、洋蔥、椒粒全部炒得香噴噴，味道濃郁入味帶微辣，夠曬惹味，蜆肉粒粒脹卜卜，肥美無沙，味道確實吸引。《蒜蓉蒸海蝦》真係估唔到海鮮類一樣出色，蒜蓉份量慷慨， 蒜蓉開邊蒸蝦，海蝦隻隻圓潤飽滿， 味道夠新鮮，肉質彈牙。《韭菜豬紅》韭菜豬紅個人覺得潮州打冷整得最好食，韭菜極之惹味，滿滿的豬紅又是一個經典菜式。潮州鹵水打冷食物之外，還有很多大排檔小炒，價錢非常合理， 免收茶及免加一，抵食晚飯宵夜，兩個人吃得飽飽。