#MC帶你去新蒲崗
.
「陳儀興飯店」相信新蒲崗街坊無人不知，依間老字號潮州打冷晚晚都好旺場，滿座要等位！難得開到凌晨一點，喺啟德睇完Show過嚟食返個宵夜就啱啱好啦～
➖
1
✨ 陳儀興飯店 (崇齡街)
.
餐廳由1963年開業至今，屹立超過半世紀，主打潮式打冷；餐廳裝潢撲實明亮，環境乾淨整潔。
➖
🥢 滷水鵝件｜$138／例 ✨招牌菜式✨
.
打冷必食滷水鵝！鵝件上色好均勻，陳年滷水色澤較深，但不死鹹，味道有層次帶香料清香，厚切鵝肉不乾柴，鹵香醇厚，必食推介！
➖
🥢 潮式醃瀨尿蝦｜$338／例 ✨人氣之選✨
.
瀨尿蝦洗淨後以大蒜、辣椒、魚露及秘製醬汁等生醃腌製，上枱前已經斬件方便進食，啜一啜就已經食到！蝦肉彈牙味道鹹鮮，吊出海鮮鮮甜，再帶點微辣、蒜香，惹味過癮！
➖
🥢 避風塘炒大蜆｜$110／例
.
蜆肉鮮嫩不韌，而且無沙好新鮮，搭配辣椒、炸蒜等猛火快炒，辣味剛剛好又有層次，香口惹味！
➖
🥢 潮州蠔仔粥｜$75／碗
.
雖然一碗份量，但大約都分到四小碗；潮州粥內材料份量足料，蠔仔粒粒飽滿，搭配豬肉碎、芫荽及葱絲，啖啖鮮甜惹味。
➖
🥢 藍妹啤酒（大枝裝）｜$36
.
➖
✖ 服務費｜Service Charge
.
全店沒有加一服務費。
➖➖➖➖➖➖➖➖➖➖➖➖➖➖
