影片
更多
2018-07-02
2220 瀏覽
唔知點解身邊無論朋友定係屋企人都好鍾意打邊爐，一大班人圍爐一邊烚一邊傾下計氣氛特別柴娃娃，特別熱鬧。但今次同家中三位美女去打邊爐就有人話要打得型啲高貴啲喎， 所以就去左呢間走高檔型格路線嘅酒鍋！我地四位美女要打邊爐其實真係唔會食得好多，所以就點先左個巨無霸芫荽鍋，貪佢四格火鍋內有不同味道湯底包括喇沙海鮮、四川麻辣、豬骨牛腩和蕃茄薯仔，一鍋試暈四種不同口味，每格裡面都已經有野食，再配上大成座山咁嘅芫荽和幾大片冬瓜片，鍾意芫荽的應可吃個夠 (就算唔鍾意芫茜，都大可以用嚟餵相機 - 相機一定要食先。四款鍋底本身都有得食，豬骨，豆腐，牛腩，薯仔等等，好入味，不過食完湯入面啲料已經飽左三成打邊爐必先混醬是常識吧，呢度嘅醬汁選擇好多，攪到我有選擇困難症，唔知點樣配搭先可試暈各種味道。店內飲品啲名全部都好靚好特別，賣相都好靚， 但味道就普通左啲。話明要型住靚住打邊爐，所以我地點左幾款唔知係咪堅好食但擺盤就已經贏哂嘅火鍋料：安格斯牛頸脊，掛架式登場，睇起上嚟好似好少，但其實四個人食都好夠， 肉質鮮嫩有牛味；我最喜愛豬腩肉，屋企人成日話肥， 但呢度嘅唔單只係黑毛豬，仲要捲到成朵玟瑰花咁上碟，即刻成件事唔
我地四位美女要打邊爐其實真係唔會食得好多，所以就點先左個巨無霸芫荽鍋，貪佢四格火鍋內有不同味道湯底包括喇沙海鮮、四川麻辣、豬骨牛腩和蕃茄薯仔，一鍋試暈四種不同口味，每格裡面都已經有野食，再配上大成座山咁嘅芫荽和幾大片冬瓜片，鍾意芫荽的應可吃個夠 (就算唔鍾意芫茜，都大可以用嚟餵相機 - 相機一定要食先。
四款鍋底本身都有得食，豬骨，豆腐，牛腩，薯仔等等，好入味，不過食完湯入面啲料已經飽左三成
打邊爐必先混醬是常識吧，呢度嘅醬汁選擇好多，攪到我有選擇困難症，唔知點樣配搭先可試暈各種味道。
店內飲品啲名全部都好靚好特別，賣相都好靚， 但味道就普通左啲。
話明要型住靚住打邊爐，所以我地點左幾款唔知係咪堅好食但擺盤就已經贏哂嘅火鍋料：
安格斯牛頸脊，掛架式登場，睇起上嚟好似好少，但其實四個人食都好夠， 肉質鮮嫩有牛味；
我最喜愛豬腩肉，屋企人成日話肥， 但呢度嘅唔單只係黑毛豬，仲要捲到成朵玟瑰花咁上碟，即刻成件事唔同哂囉，豬腩肉真係好肥美，不過其實份量都幾多下，真係要個個人都食先清得哂，我地得四個人.... 結果有大半碟都落左我個肚入面🤭
蟶子好新鮮夠大隻，不過唔知係咪太多人點海鮮，廚房唔夠人手處理，定係我地點得太少，張單入左三次，仲要要停追單佢先肯上枱
有麻辣湯底又點可以唔回老油條呢，吸收哂啲辣汁之後真係超正，我而家一路寫文都一路流口水呀！
丸類只點了花枝，因為真係食唔到咁多野lu~
小吃我地點左兩款，事關其實媽咪超愛香口野，唔熱氣都唔食，哈，黃金炸魚皮，都香脆嘅但黃金味不足；
招牌嘅紫菜響鈴，我就覺得唔夠新鮮，上碟有少少冧左。
個人覺得佢地對食材有用心，味道大部份都好好，但性價比唔高，偏貴。 如果真心愛打邊爐嘅一大班朋友就會覺得食得唔夠過癮唔夠盡興，不過如果人少少嚟試下打下咭都可以。
張貼
