Slowlife 漫活堂 (已結業)

今日去到佐敦既漫活堂，環境優雅舒適，內裹每個人都靜靜的享受。78蚊套餐勁豐富，有意大利包、沙律菜、薯條、甜品同飲品，原本以為素食會好淡唔岩胃口，但原來素食健康又好食，意大利包好鬆軟，再配煙三文魚同牛油果，配搭一流。之後仲叫左一個68蚊既新鮮雜果千島pizza，有菠蘿香蕉奇異果，勁多水果擺埋一齊，配合芝士同沙律醬，出奇地好食，唔好比佢外表呃左你，雖然睇落唔算好靚，但食落有驚喜。價錢便宜、環境舒適，值得一試，讚！