Texas Burger (已結業)

朗豪坊真係多咗好多新野食！同朋友習慣咗坐電梯去到頂層先慢慢行落去，俾我哋發現咗一間新Burger！哇！依們位終於都換咗新舖喇！之前食過上手間cafe，真係好麻麻！換咗依間真係好好多！有好多款漢堡！見到餐牌大大張相介紹「德州燒烤牛肉漢堡」，就叫依個試下！好大個好高呀！中間有大大件牛肉漢堡！仲有洋蔥圈同煙肉！漢堡好大件好厚！好香！墨西哥芝士夾餅一樣好豐富！上面有好多牛肉、酸忌廉、牛油果醬同蔬菜！塊皮軟軟地好好，成件食口感一流！依款係墨西哥芝士煎餅！個樣又有啲唔同，係兩塊夾埋！入面有手撕雞同芝士～如果芝士再多啲就更好！好靚嘅甜品呀！冰鎮朱古力蛋糕新地！ ！ ！會噴煙㗎！！朱古力蛋糕好夠濃！加埋雪糕超好食！！又係夾餅～我地真係好鍾意食餅！香煎焦糖蘋果夾餅～入面有啲焦糖蘋果粒，係甜夾餅黎～加埋雪糕食會更好～