漁正居酒屋 (已結業)

去完日本番黎，要回魂當然要食日本野。同細佬好耐無食晚飯，邀請佢食番餐，諗起上次同佢去日本已經好多年前。今日求其食下，都唔帶相機啦，食乜嘢？睇IG見呢間漁正居酒屋感覺好似唔錯，咁就不如試下啦。先點刺身，魴鮄魚刺身味道食落就知好新鮮，怪不得個個大推刺身。難得呢幾日有點涼意，食個生蠔鍋暖暖地又保身，幾好。雞軟骨個味道好特別，有焦香味，脆脆地，骨肉比例好balance。牛舌係試居酒屋水準最佳辦法，食完俾分俾合格。串燒另一個好選擇係燒雞全翼 ，雞皮燒得勁脆，都做得幾好。海蝦天婦羅，我細佬都幾鐘意食，我個人對天婦羅就普通 燒牛小排好鬼靚，又係可遇不可求的粉紅色，我都幾鐘意佢掌握串燒嘅溫度。醬油飯團，當然無係大腕食過嘅咁脆，但醬油味夠濃，送酒好。尾聲見燒鳥幾好，燒個雞皮玩下，完全係日本感覺。整體價錢幾相宜，唔駛等位又唔駛book好耐，係easy dining好選擇。