影片
更多
2021-11-11
15 瀏覽
走入去呢個充滿復古風嘅food court... 感覺非常有格調而且好乾淨企理... 又冇一般food court嗰種嘈雜聲! 老實講... 呢度似餐廳多過似food court!🤭一早已經鎖定要試呢間新開近兩個月嘅泰菜食店【泰Grill】... 聽講呢度嘅菜式係由泰國師傅主理... 所以特別地道、特別有風味!🤩呢度座位都幾舒適... 有d梳化位... 而枱與枱之間有適當距離! 呢個food court係掃QR code落單... 唔駛排隊買飛... 輕鬆好多! 👍 餸菜煮好會嗌mic... 再去相應食肆counter攞... 一樣唔駛楝喺度等... 呢個落單同攞食物嘅形式非常唔錯!👏今晚我同朋友 order咗👇🐔 泰式燒雞 (必試🌟最新推出)🐙 汁燒魷魚鬚 (全隻)🍢 沙嗲串燒炒飯 (廚師推介)🥣 冬蔭功 (廚師推介)🦪 燒蠔🥗 豬頸肉酸辣沙律▫️泰式燒雞 (❤❤❤強烈推介❤❤❤)非一般嘅燒雞... 未食已經聞到烤雞味... 即食嘅時候熱辣辣好惹味... 雞皮有烤過嘅香脆... 雞肉好入味... 肉質細嫩juicy... 就算食雞胸一d都唔嚡口... 再蘸d隨碟奉上嘅醬汁真係食得
一早已經鎖定要試呢間新開近兩個月嘅泰菜食店【泰Grill】... 聽講呢度嘅菜式係由泰國師傅主理... 所以特別地道、特別有風味!🤩
呢度座位都幾舒適... 有d梳化位... 而枱與枱之間有適當距離! 呢個food court係掃QR code落單... 唔駛排隊買飛... 輕鬆好多! 👍 餸菜煮好會嗌mic... 再去相應食肆counter攞... 一樣唔駛楝喺度等... 呢個落單同攞食物嘅形式非常唔錯!👏
今晚我同朋友 order咗👇
🐔 泰式燒雞 (必試🌟最新推出)
🐙 汁燒魷魚鬚 (全隻)
🍢 沙嗲串燒炒飯 (廚師推介)
🥣 冬蔭功 (廚師推介)
🦪 燒蠔
🥗 豬頸肉酸辣沙律
▫️泰式燒雞 (❤❤❤強烈推介❤❤❤)
非一般嘅燒雞... 未食已經聞到烤雞味... 即食嘅時候熱辣辣好惹味... 雞皮有烤過嘅香脆... 雞肉好入味... 肉質細嫩juicy... 就算食雞胸一d都唔嚡口... 再蘸d隨碟奉上嘅醬汁真係食得好滋味呀!💯
▫️汁燒魷魚鬚
第一個感覺係有d炭燒焦香嘅風味... 第二個感覺係彈牙有嚼勁但唔會好難咬... 師傅燒烤功力非常掂... 完全恰到好處... 超讚!👏
▫️沙嗲串燒炒飯
係食店其中推介之一... 一客有3串串燒... 豬、牛、雞各一... 記得蘸沙嗲醬呀... 蘸完即刻有畫龍點睛之效! 炒飯用咗泰國米加一d香料去炒... 食落好特別... 出面泰國餐廳少有!
▫️冬蔭功
成鍋上... 仲貼心配埋火🔥... keep住個湯熱熱地! 份量十足... 夠2-3人飲... 裏面有泰國大頭蝦、菇菇同泰式香料... 酸酸辣辣好開胃... 而且呢d天氣涼涼地... 飲完一碗即時暖哂... 正呀!😄
▫️燒蠔
鋪咗好多蒜蓉同香葱... 趁熱食唔錯㗎! 順道提提... 燒蠔可以逐隻order㗎... 啱哂想試多幾款燒烤嘅朋友!😬
▫️豬頸肉酸辣沙律
豬頸肉幾乎係我每次食泰菜必點嘅... 為咗減少油膩感... 配埋由甘筍、紫洋葱、車厘茄等整成嘅酸辣沙律... 成件事即時balance哂!🤭
整體上... 我非常欣賞呢間【泰Grill】... 會再次幫襯幾乎係肯定㗎喇... 大家不妨去試吓!
** 順帶讚讚呢度嘅執枱阿姐... 個個斯斯文文又有禮貌! 👍
張貼
