影片
更多
2018-06-09
67 瀏覽
近排天氣悶熱，令人食欲不振，最好就是為味蕾來點刺激！友人非常貼心，說要介紹一間食東南亞菜嘅餐廳給我，而且還拍曬心口說那裡的菜式，一定啱我口味。原來好友所說的，就是這間位於銅鑼灣渣甸中心 9/F 嘅「野將」。餐廳地方頗大，佔地全層，用餐區相當闊落，環境寧靜舒適，裝潢簡潔清雅，以白色為主調，氣氛 casual，窗邊放有綠油油的植物作點綴，配上一室淺灰色的沙發座椅，給人清爽潔淨的感覺。若不是友人事先張揚，說店子主打新派東南亞菜，還以為這裡是間日本餐廳。拿起檯面以木板夾著的餐牌逐頁細看，有沙律、自家製精選湯、小食、自家製薄餅、意粉、飯、肉類、全日早餐、漢堡包、三文治，另外亦有一系列冷熱飲品可供客人選擇。天氣悶熱，先點兩杯凍飲降降溫。友人選了凍泰式奶茶 ($31) 而我就揀咗店員推介的蜂蜜檸檬梳打 ($46)。友人讓我試了他的奶茶，入口有種獨特香氣，煉奶味頗重，甜度略高，飲落無濃茶的苦澀味。至於我點的蜂蜜檸檬梳打，上桌時泛著迷人的淺紫色澤，賣相非常搶鏡，啜一口，味道清新酸甜，冰涼透心。食物方面，先來一客自家製精選湯 ($42) 做頭盤，是日精選湯係黑松露野菌忌廉湯。忌廉湯送上時仍熱燙燙，香氣
近排天氣悶熱，令人食欲不振，最好就是為味蕾來點刺激！友人非常貼心，說要介紹一間食東南亞菜嘅餐廳給我，而且還拍曬心口說那裡的菜式，一定啱我口味。原來好友所說的，就是這間位於銅鑼灣渣甸中心 9/F 嘅「野將」。
餐廳地方頗大，佔地全層，用餐區相當闊落，環境寧靜舒適，裝潢簡潔清雅，以白色為主調，氣氛 casual，窗邊放有綠油油的植物作點綴，配上一室淺灰色的沙發座椅，給人清爽潔淨的感覺。若不是友人事先張揚，說店子主打新派東南亞菜，還以為這裡是間日本餐廳。
拿起檯面以木板夾著的餐牌逐頁細看，有沙律、自家製精選湯、小食、自家製薄餅、意粉、飯、肉類、全日早餐、漢堡包、三文治，另外亦有一系列冷熱飲品可供客人選擇。
天氣悶熱，先點兩杯凍飲降降溫。友人選了凍泰式奶茶 ($31) 而我就揀咗店員推介的蜂蜜檸檬梳打 ($46)。友人讓我試了他的奶茶，入口有種獨特香氣，煉奶味頗重，甜度略高，飲落無濃茶的苦澀味。至於我點的蜂蜜檸檬梳打，上桌時泛著迷人的淺紫色澤，賣相非常搶鏡，啜一口，味道清新酸甜，冰涼透心。
食物方面，先來一客自家製精選湯 ($42) 做頭盤，是日精選湯係黑松露野菌忌廉湯。忌廉湯送上時仍熱燙燙，香氣迫人，還未把湯放進口，已聞得到松露的存在。馬上舀起一匙往嘴裡送，湯身綿滑濃厚，富松露幽香，喝罷有 aftertaste。忌廉湯上桌時配有牛角酥，牛角包食落雖然唔算好鬆化，但質地頗軟熟，味道亦不太甜。
飲完湯就輪到吃小食，點了一客野將小食拼盤 ($148)，拼盤屬 2 人份量，有印尼糯米雞米紙卷、越式蒜香豬頸肉、野將水牛城烤雞翼及泰式蝦餅各兩件，隨碟還會附上 3 款醬汁。據店員稱，三款醬汁都是餐廳自家秘製，紅色嘅醬汁係用嚟點雞翼，中間嗰款就用嚟沾蝦餅，而最尾嗰款就用嚟蘸點豬頸肉同米紙卷。野將水牛城烤雞翼 size 甚大，外層炸漿勁脆，入面嘅雞肉嫩滑多汁，沾點醬汁吃，酸辣惹味。
這款是印尼糯米雞米紙卷，薄薄嘅越式米紙卷入面包咗雞絲、糯米飯同生菜，個配搭幾有創意，充滿新鮮感，可以話係越南同印尼食法嘅混合體。不蘸醬汁，先嘗其原味，糯米飯煙煙韌韌，有點黏身，食落帶少許嚼勁，雞絲非常軟熟；再沾點用魚露、青檸、蒜頭同芫荽等調成嘅自家製泰式醬汁吃，入口鮮香微辣，非常開胃。
越式蒜香豬頸肉非常大片，切得厚薄適中，外皮烤至焦脆金黃，入口散發著濃郁的肉香，夠曬 juicy，配合爽口脆身又富嚼勁的質感，香濃美味。泰國臨海，海鮮產量非常豐富，所以有很多以蝦入饌的菜，至於這裡的泰式蝦餅亦做得很有水準，食落爽口彈牙，能吃到內裡的蝦肉，味道比平常吃到的蝦餅出色。
見店裡的 pizza 款式不少，加上是自家製作，提議一試，在芸芸選擇當中，揀了蘇梅島風情 ($138)。蘇梅島向來被譽為泰國最美麗島嶼之一，水清沙幼，魚群五彩斑爛，沙灘延綿數哩，景色優美，到處洋溢著熱帶風情，而這個薄餅正正就是以此島命名，著實令人期待。Pizza 可選 10” 3mm 超薄健怡薄皮或 12” 手搓厚皮，揀了前者，薄餅製作需時，大約 15 分鐘。
薄批選用麥餅底，邊位被焗至微微隆起，上桌時呈波浪形，拿起一塊入口，食落脆卜卜，有點似餅乾，充滿麥香。至於上面的 toppings 就有雞肉、白菌、紫洋蔥、彩椒、車打芝士、Mozzarella Cheese 同青咖哩醬等，用料十足，非常豐富。青咖哩醬由多種香料及香葉等混合炮製，味道天然，辛辣度亦恰到好處，既溫和又不嗆喉，反而帶清新嘅香草幽香，與雞肉十分匹配。另外自家製薄餅用咗兩種芝士，雖然拉絲效果唔算好明顯，但芝士味食落不太濃烈，一點也不膩滯。
友人果然無介紹錯，雖然這晚吃得不多，但個小食拼盤同 pizza，做得有水準之餘，亦非常之有特色，尤其喜愛幾款醬汁，同喺其他地方食到嘅真係好唔同，真材實料，味道天然，而且調得濃稠度剛好，用來配小食，夠曬開胃惹味。
張貼
