野將 (已結業)

#cassiegocwb-瘦編最近同朋友約食飯，想搵一間有沙律食嘅餐廳，然後就搵到依間野將。佢好得意，係有好多唔同亞洲國家款式嘅菜食。😋-同朋友分別叫左兩個午餐，我叫個個都幾抵，有好多食物，包括一個普通日式拉麵、一碟類似All Day Breakfast，裏面有牛角包、黑松露炒蛋、沙律、煙三文魚等等，加一杯餐飲。餐廳裏面唔算多人，坐位都幾舒服，食物都係即叫即整。唯一可以改善嘅係個牛角包，有少少乾，如果可以配果醬或者牛油會更好。👍🏿-另外朋友叫左個煙鴨胸肉凱薩沙律配餐飲，份量都好好，不過個味係有少少辣，我覺得有啲怪嘅，好少食沙律係辣嘅。😱-味道評分▶️🌕🌕🌕🌑🌑 (3)抵食評分▶️️🌕🌕🌕🌗🌑 (3.5)回購評分▶️️️🌕🌕🌕🌗🌑 (3.5)-➡️野將 (銅鑼灣)📍銅鑼灣渣甸街50號渣甸中心9樓- 

Probably one the best kept secret in causeway bay for thin crust layer pizza 🍕 they offer fusion food in a variety of dishes. We ordered so much and the end pricing was still affordable as they’re currently doing a birthday promotion! We ordered a few of their signature dishes to share and it didn’t disappoint us! I will definitely be back for this big ass ribs and pizza.

坦白講，這間店的水準很有問題。由最普通的紅酒牛肋肉飯可見。第一，分量不足。由圖可知，整個碗差不多咖啡杯尺寸，四塊肉，七十幾。雖然銅鑼灣鋪租貴，大家覺得怎樣自己想啦。第二，肉的料理方法好有問題。配菜只得西芹同胡蘿蔔，無薯仔，但是可見到湯汁稠得好似漿糊，唯一可能就是加勁多生粉，且煮時間太長到無水分。第三，紅酒味如同沒有。看顏色就知，淡淡粉色，肉未掛住色-差一點的做法會溝茄汁來做到有色味，但是這間廚師表面功夫都懶得做。總之，紅酒味好似扶手梯前面靚女的底褲，要全神貫注才能體會到一點。

銅鑼灣食飯如果冇訂枱其實都幾難搵位嘅，我哋搵咗間都多家庭親子嘅泰國菜，坐位都闊落，我地得2個人叫左野將薄餅，有得擇厚薄批我地就擇左個薄批食落係超多餡料有辣肉腸、黑橄欖，蕃茄，洋蔥，菜苗，勁多芝士，仲有菠蘿好似🤔食落口感勁豐富👍🏻第二就叫左小食拼盤有雞翼、豬勁肉、蝦餅、紙米卷雞翼即炸口脆蝦餅可口彈牙豬頸肉配埋酸辣汁，好好食👍🏻有肉汁又彈牙紙米卷入面有泰國香葉有香料回甘味飲品泰式奶茶味道未夠濃郁

帶小朋友去街，當然要搵d地方較闊落既地方，呢間野將餐廳地方夠大，燈光明亮，岩曬帶埋小朋友一齊去嘆下美食！😊意式芝士薄餅🍕：餅底焗得夠脆，而餅面芝士焗得夠金黃，拉開做到拉絲效果，令人食指大動！安格斯牛肉芝士漢堡配薯角🍔：安格斯牛略嫌失色左少少，牛味唔夠突出，食落同快餐店漢堡亦無大分別！個包亦水份好似好多咁搞到好淋，不過配薯角就加分！燒豬肋骨（全份）🐖：全份既份量的確唔惹少，啖啖都係肉！燒到皮脆肉嫩，肋骨仲有少少肉汁，配埋燒醬汁，正！黑松露野菌忌廉意大利飯🍚：飯上面隻大size菇令個飯加添左d顏色！黑松露味道夠突出，而意大利飯煮得岩岩好，唔會太硬太乾！泰式大蝦冬蔭公意粉🍝：大蝦數量都唔少，冬蔭公都夠味！唔錯唔錯

銅鑼灣處處都是美食，隨便選了一間樓上舖，比較少人， 可以舒適地享受晚餐。 這裡有東南亞及意大利美食，泰國，馬來西亞，意大利樣樣齊全。今次就來個 fusion 菜，首先來個鮮蝦青木瓜沙律，加有少少細蝦干，味道不錯， 可以先醒醒胃口。 當然有串燒，醬汁味美，不可不吃。香蒜欖油茄乾蜆肉意粉，各樣食材配合得剛好，味道也相當不錯。另外有千島夏威夷 pizza，個人不喜歡厚餅底，這個剛剛好，不薄不厚。最後黑松露野菌忌廉意大利飯，這個不過不失。

今日去到銅鑼灣，經過見到有一間餐廳午餐，最後入咗去試一試，入到去座位坐得都算OK唔差，餐牌入邊嘅午餐選擇都算多，今次就叫咗一個芝士豬扒飯，再加飲品和湯。價錢比心目中貴少少，而且份量唔算十分之多，但味道的確係都OK，芝士豬扒飯芝士都多而豬扒口感吾錯，都有不少蕃茄，但份量偏少，如果女仔只屬岩岩好餐湯係忌廉蘑菇湯，味道正常吾差，吾太杰身。飲品可以飲特飲菊花杞子蜜，應該是自家制，味道都濃不錯，但這價錢有不少選擇，有時過嚟食一餐都還可以。

等一個lunch 要 45 分鐘等待時間，食lunch 不要嚟中午時間無比既等待，不停講餐出緊，但比我地早到既人都已經上餐，完全不知所謂，味道係點我唔知，因為我根本品嚐唔到，最後用最後15分鐘 迫電梯行返公司，lunch 一粒飯都無食到。永遠blacklist. 中午生意，人多我明，但出一個炒意粉等45分鐘，如果做唔到咁多單可以講一聲，我地搵第間食，而唔係一味叫你等，等，等，大佬呀等到幾時呀，唔好為左搵錢，唔理客既感受同時間。

上月聖誕節試過冬陰功意粉，食過返尋味決定帶同事仔試下，所以今日充足時間lunch可以去銅鑼灣啦！我地12點半到，中午無訂坐，不算多人，直接可入座，晚市得2人餐而且無其他set唯有單點都不包飲品。今次發現lunch 有set 包飲品之外，價錢比晚市平發達啦我地叫左娘惹咖哩牛肋骨飯和BBQ烤雞pizza。忘記影相~娘惹咖喱微微辣，牛肉口感適中無骨，香濃惹味，連普通沙律菜只是略嫌不夠熱。BBQ烤雞pizza，有我最愛的簿底，口感脆卜卜，bbq醬的味道， 餡料很平均而且有好多芝士火箭菜鋪上面， 火箭菜冇苦味抵讚。

經過樓下見有姐姐推介, 就同友人試新野1. 蝦餅 - 夠熱夠脆夠彈口, 略咸略炸太久2. 串燒 - 醬汁配搭幾好, 肉質可以3. pizza - 值得等候環境整潔, 坐得舒適, 食物夠熱, 職員有禮可再食

其實我地幾條友，真係好難得出城，買完台灣好出名果杯珍奶，一路飲一路遊蕩之際，見到呢座大廈好似好多嘢食，仲要排哂隊搭電梯，好似好勁咁，而呢間叫做GINGER GINGER，主打新派東南亞菜式的餐廳，見佢燈箱介紹好似好多嘢食，有PIZZA、PASTA、RICE、NOODLE、BURGER、SOUTHEASTASIAN FOOD，橫掂都唔知食乜好，就心口掛個勇字，一行4人殺上去試試~原來呢座大廈好細，每層只係一間餐廳，基本上部電梯一打開，就係果間餐廳門口，如果冇人一齊搭電梯的話，我真係想逐層打開，睇下邊間合眼緣，不過佢成廿幾層，又唔知係咪層層都係食肆，都係去返9樓呢間GINGER GINGER算吧~一打開電梯門，就見到仲有度玻璃門，入面好光猛，木傢具裝修，open水bar，感覺好乾淨企理，因為之前下面果啲係一開門就黑炆炆，懶有情調咁，其實食嘢更係光猛好啦~如果黑炆炆，食咗乜都唔知，呢度幾啱我心水~推開度玻璃門，見到只有一、兩枱客，仲有好多吉枱，店員招呼我地坐卡位，然後送上menu同水，當時心諗會唔會中伏? 無理由星期六晚7點半呢啲黃金時間會冇乜客架嘛~ 不過唔驚，响我地一路諗食咩同等食嘢之時

其實好想知點解呢間鋪頭叫野將～呢間鋪頭俾人一種好乾淨嘅感覺，加上木色嘅綠色嘅設計，店鋪又大，一入去感覺已經幾好。食物方面，德國豬手味道濃郁，而且薄餅好脆～嘢飲即叫即整好好味！好想下次再同一大班朋友黎。

好耐之前同朋友嘅生日聚會黎，一直都冇機會係度俾返個支持，依家補返😂呢間係第一次去到一間餐廳令到我好想幫人做打手😂(其實係應承咗善良靚女姐姐要俾like，因為係靚女所以我不忍心食言🙊)一黎呢間餐廳好新好清新😍😍二黎啲staff好好人又靚女🤤🤤（呢個係重點，warm到心都融化了）三黎又有好味嘅長通粉同埋脆脆嘅薄薄pizza啱啱好😋😋四黎仲要咁正都唔貴🤔🤔五黎因為係朋友生日，餐廳仲要好細心咁將個🍰分到咁靚😭

好有水準西式餐廳，價錢合理，意粉超好味，不太林，午餐價錢優惠. 以這個價錢能吃到這些水準，實熟難得. 店內舒適，飲品也不錯，花茶自製，唯一洗手間比較偏僻，不太舒適。

今日特地去銅鑼灣的渣甸中心為舊同事慶祝生日🎂由於我地趕時間的關係，我地大約中午十二時已經致電餐廳要求提早落單，希望可以盡快上菜，店員亦非常貼心地為我地記錄我的的order。Menu如下👇🏻👇🏻👇🏻👇🏻中午時份突然非常大雨，本來book左12:45pm食飯，但因為雨太大的關係我地12:55pm先上到去。店員已一早為我地預留左座位，最感動係枱上面已經為我地預備好左主菜😍太太太感動了！有牛角酥配煙肉忌廉湯👇🏻我點的盲鰽柳🐟非常大塊的魚柳👍🏻配埋白酒忌廉汁、薯角和沙律菜🥗大份到食唔哂！同事點的咖哩豬扒飯👇🏻賣相不錯同事點的燴雞飯👇🏻食物的味道都不錯👌🏻店員服務又好👍🏻餐廳環境又舒適👏🏻推介👍🏻👍🏻👍🏻