夢 (已結業)

平日喜愛食日式嘅我，今年生日，阿女帶我食左一餐不一樣嘅日本料理，整晚嘅菜式，無論視覺、味覺都充滿極度驚喜😃。整個晚餐，由侍應嘅殷勸招待，上每一道菜式都會細心講解；以致廚師將食材發揮到淋漓盡致、悉心擺盤，食每一道菜式都好似食緊藝術品一樣😋，眼見每枱食客總會先舉起相機拍照，留下每一道菜難忘一刻。今晚所有菜式中，有兩道菜式我比較喜歡都想分享一下😋：螢光魷魚🦑脆筒 - 廚師將脆筒放入一個以日式木製嘅盒埋邊，底層鋪滿五顏六色什豆作陪襯😃，魷魚有口感彈牙，慢慢咀嚼後會有淡淡的鹹香，外層以多種蔬菜整成嘅脆桶，薄薄一層，做得非常之好，一啲都唔會覺得油膩，令這一個菜式加多一重口感。北海道帆立貝他他加魚子醬- 呢款菜式亦以木盒作為擺盤，將三式米紙放入木盒中，另整個菜式睇起嚟更加高檔。三式米紙分別有櫻花、墨汁、粟米味，三款之中以粟米味道較為突出😋；帆立貝他他，味道鮮美，口感綿密；魚子醬粒粒圓潤有光澤，入口鮮而不腥、 咸而不膩；將帆立貝他他與魚子，放上脆脆嘅米紙上品嘗，簡直享受緊不一樣嘅味道同口感😋。