馬六 (已結業)

好耐無經開新蒲崗， 今日工作完就係度揾下食， 見到lee間門口好搶鏡既「海南雞」及「喇沙」， 就被吸引了入到去同佢講有BB, 特登比左個邊位我地， 而且好友善地有口罩紙袋， 疫情下的細心， 見到有晚市餐$88, 有小食`主食及飲品， 就叫左兩個， 當然一個就係海南雞飯一個就係喇沙啦，小食叫左柚子沙律及蝦春卷先講海南雞飯， 飯大大碗唔係好油既感覺， 雞好嫩而且都唔少， 湯亦有味， 上菜時樣子亦好吸引， 另外估唔到個喇沙仲大碗， 芽菜好多我好中意， 另有蝦`魚蛋`豆卜及蛋，足料好食， 湯底好夠味， 辣度剛剛好， 兩個主菜都超滿意小食柚子沙律不過不失， 以套餐黎講都好足， 感覺似2人份量，蝦春卷就有驚喜啦, 內有蝦味而且面好脆， 但面頭唔油， lee個小食係最後先上， 可能係即炸， 仲可以返炸所以夠脆又唔油(以我小小整嘢食常識推算), 睇得出有心之作飲品方面叫左桔仔檸檬水發馬來西亞拉茶， 因我飲左奶就唔飲得檸(會肚痛), 所以跟試左拉茶， 茶夠而係好大杯， 我直頭飲唔哂(好似成日在意大唔大份量tim)整體感覺， 晚餐黎講性價比高， 坐的都舒服， 完全滿足左我想食海南雞及喇沙的一餐