8
1
2
港鐵鑽石山站 B 出口, 步行約14分鐘 繼續閱讀
所有分店 (6)
電話號碼
23439499
付款方式
現金 八達通
食評 (12)
等級4 2019-09-10
24 瀏覽
呢日十點開工,活動完左之後汁埋d手尾都差唔多兩點,大家都未食晏,所以就跟埋同事去左附近屋苑商場食d野先打道回府我地入左去一間食東南亞菜既餐店,從店名所猜,呢度既主打應該有三:海南雞、肉骨茶同喇沙!!!我地呢個鐘數入黎,既有午餐亦有下午茶餐我見呢日唔算太餓,所以就決定要個下午茶餐入面既“無骨海南雞飯(輕量版)”HKd$42同事就要左個48蚊既白胡椒肉骨茶既下午茶餐,飲熱既馬來拉茶雞肉去骨後,食落啖啖肉!!!自己就最中意點上黑醬油,送飯一流欣賞呢度既油飯唔會好油,仲帶有淡淡既椰香添!同事俾左d我試,個胡椒味都幾重幾香wooo同事仲話配油條食係新加坡既地道食法添食完之後我地決定再追加一份“牛油咖央多士(斑蘭)”HKd$18一齊shareee多士脆薄,牛油帶出斑蘭既椰香,一定要快快脆趁熱食最後飲返啖既清涼又清甜既椰青,正 繼續閱讀
(以上食評乃用戶個人意見 , 並不代表OpenRice之觀點。)
馬六餐廳一早都聽過,有幾間分店嘅,對我黎講唔陌生,但係食就真係未食過,今次嚟開采頤花園一間改衣舖改衫,剛好有分店係到,一試無妨...誰不知令我好有驚喜!!!"價錢親民,食物款式有特色,員工好好笑容!!!"馬六餐廳屬於馬來西亞菜,呢度嘅招牌菜我諗係海南雞.喇沙.肉骨茶,因為都寫埋喺個餐牌主圖到啦 餐牌食物嘅選擇都算好多而且價錢都好親民!!!既然肉骨茶喺度咁出名一定要試下!!!一上枱已經有一陣好似藥材既香味,碗肉骨茶夠曬熱辣辣,其實逢係湯物都一定要夠熱,熱度係好重要㗎!!味道濃郁入口回甘,仲有好足料,排骨頭都有好幾嚿,蒜頭都有原個!!!呢碗肉骨茶真係五個字!!((色.香.味.俱.全))真係有圖有真相,呢一碟燒雞配椰醬飯,賣相真係好精緻好特別好靚,真係唔係講笑見到紫色嘅飯特別開胃!!!一啖紫色嘅飯食落口,味道係帶少少椰香味燒雞脾大大隻,入口仍然有肉汁唔會燒到乾爭爭, 外脆內嫩,仲有啲小魚仔,花生同蔬菜做配料,口感好豐富!!! 佢呢度有紙巾提供,直情用手包住紙巾成隻雞脾食,特別滋味!!!炒通菜炒得好有鑊氣好嘢味,調味好夠味,炒碟通菜都係$36,認真抵食!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-18
8 瀏覽
下午茶時段嚟到馬六,下午茶餐好抵食。其實同一時間都有午餐供應,不過份量就會係正常份量,下午茶餐就係輕盈版,都好夠食。下午茶海南雞喇沙摻摻($46):一次過滿足我想食海南雞同喇沙嘅願望。輕量版本都唔細碗,有米粉同油麵,我最愛咁樣食喇沙。喇沙湯底濃郁,有豆卜索晒湯味,入口微辣,海南雞肉起晒骨,非常嫩滑。追加小食:獅城蝦春卷($16)米網紙春卷皮,入口非常脆,內餡係蝦肉餡,都幾香口。凍美祿(+$3):星馬菜常見的飲品。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-16
0 瀏覽
今日去左采頤花園做野,天時暑熱即刻入左一間睇落幾好坐嘅餐廳,入到去唉左一個馬來蔥油雞飯, 朋友就嗌咗最快手加海南雞飯。海南雞飯味道較似泰式海南雞, 食落 個家傭將同甜豉油配搭得啱啱好, 個飯就不過不失啦,都有啲油香味。 跟餐有個冬瓜湯飲落都幾清新, 唔會話一飲就係成口味精嗰種。馬來蔥油雞髀飯,我冇諗過真係成隻脆炸雞髀擺喺飯上面, 要食嘅時候因為冇刀叉有少少無從入手, 因為個皮炸除咗之後用筷子唔能夠容易得開, 最後 我用手拎起咗隻雞髀就咁咬,咁樣食會方便啲, 雖然蔥油食落真係有啲油膩, 但係個雞髀嘅肉真係好嫩滑,就算邪惡一下,都冇所謂啦。順帶一提佢哋嘅檸檬茶係有落青檸即係龍鳳檸, 我個人覺得唔錯。 繼續閱讀
(以上食評乃用戶個人意見 , 並不代表OpenRice之觀點。)
今日嚟到新蒲崗嘅馬六食 lunch,馬六主打東南亞食物,有喇沙、海南雞飯、肉骨茶、椰漿飯等等特色美食。其實平時都成日嚟呢度食飯,因為佢嘅下午茶超級抵食,份量又多。今日我地嗌左檳城醬油黑叉燒配蔥油拌麵,呢個我最愛之一,係重口味之選。我最愛就係佢地秘製醬油,味道香濃,食落唔會覺得單調。而拌麵條條分明,每一條都沾滿香濃醬油,味道好岩我。我朋友就嗌左個套餐,包括海南雞飯同埋肉骨茶。我冇乜點飲過飲肉骨茶,所以無從比較。呢度既肉骨茶味道濃郁,係十足既藥材味道。海南雞飯肉質香滑,唔會有肥膩既感覺。米飯有油香,食落更加滋味。一共有三款醬汁可以蘸,個人就覺得蒜蓉汁最出色。串燒就比較普通,冇乜特別。特別推薦呢度嘅拉茶,我覺得比起港式奶茶,拉茶更加討我歡心,茶香奶滑,冰涼透心。我朋友就最鍾意飲椰青,香甜兼有椰肉食。 繼續閱讀
(以上食評乃用戶個人意見 , 並不代表OpenRice之觀點。)