更多
2010-11-21
175 瀏覽
尖沙咀一日遊飲食之旅既終點站，就係黎呢度食晚餐啦。由於朋友一早講左想食日本菜，所以就搵左呢度食晚飯。是日呢個晚飯都食得幾早，我地六點幾已經黎到，因為... 我要趕返屋企睇九姑娘 XD。六點幾黎到都營業緊架啦，入到去見一個客都無，即刻安排左個卡位俾我地坐。坐左一陣見好似有D日本人坐係吧檯食串燒(?)，陸陸續續都有D客人的，不過都幾唔滿下... 唔知係咪我地太早呢？呢度環境幾舒服，坐卡位自成一角講大聲少少都得，無咩客所以唔驚嘈親人=P。一坐前已經有個小前菜啦，之前講過唔再飲酒既人竟然提出要飲Asahi... 兩個人就一人叫左一杯細既。之後就開始叫野食啦，不過成日都不停食既我們是晚都叫左幾多野食，食完朋友話十成飽喎。朋友想食帶子刺身，店員話 3 款拼盤都有的，所以最後我地叫左個最少的 櫻 刺身拼盤，黎到有三文魚，吞拿魚，鱆紅魚，帶子同八爪魚，唔算好豐富，不過基本上我地都好滿意。刺身首先解凍得夠，而且切得幾厚身，唔會有冰碎加上鮮味十足，真係唔差的，起碼無咩邊款我覺得難食。帶子最好味，因為鮮味好出呢。比起上次我去灣仔某食店... 連冰碎都食到... 真係.... 叫了幾個小食，燒牛舌一客兩串唔駛
尖沙咀一日遊飲食之旅既終點站，就係黎呢度食晚餐啦。由於朋友一早講左想食日本菜，所以就搵左呢度食晚飯。是日呢個晚飯都食得幾早，我地六點幾已經黎到，因為... 我要趕返屋企睇九姑娘 XD。
六點幾黎到都營業緊架啦，入到去見一個客都無，即刻安排左個卡位俾我地坐。坐左一陣見好似有D日本人坐係吧檯食串燒(?)，陸陸續續都有D客人的，不過都幾唔滿下... 唔知係咪我地太早呢？呢度環境幾舒服，坐卡位自成一角講大聲少少都得，無咩客所以唔驚嘈親人=P。
一坐前已經有個小前菜啦，之前講過唔再飲酒既人竟然提出要飲Asahi... 兩個人就一人叫左一杯細既。之後就開始叫野食啦，不過成日都不停食既我們是晚都叫左幾多野食，食完朋友話十成飽喎。
朋友想食帶子刺身，店員話 3 款拼盤都有的，所以最後我地叫左個最少的 櫻 刺身拼盤，黎到有三文魚，吞拿魚，鱆紅魚，帶子同八爪魚，唔算好豐富，不過基本上我地都好滿意。刺身首先解凍得夠，而且切得幾厚身，唔會有冰碎加上鮮味十足，真係唔差的，起碼無咩邊款我覺得難食。帶子最好味，因為鮮味好出呢。比起上次我去灣仔某食店... 連冰碎都食到... 真係....
叫了幾個小食，燒牛舌一客兩串唔駛爭，雖然大細有D不一，不過都好味。燒得香口又有汁，咬落幾爽口而且又惹味，朋友都讚好食!
仲有叫左明太子雞翼，又係兩隻雞翼幫我地切好哂，呢度D食物好啱兩個人分享。=) 雞翼外皮咬落唔算香脆，但食落肉質夠嫩滑，加埋辣辣地又鹹香既明太子充滿哂係中間，用黎送酒應該很適合吧。
吉列蠔一碟五隻，大細適中，仲有幾隻醬俾你點，咬落熱辣辣，而且好JUICY，要小心D，因為會俾D汁辣親。唔算好大隻，但都幾新鮮。表面炸得鬆脆，炸粉唔會太厚，我就鍾意點沙律醬食啦。
我地仲叫左我最最最鍾意既西京燒銀鱈魚，由細到大都好鍾意食! 一碟唔算好大件，真係唔多夠呢! 不過呢度都整得好食，銀鱈魚食落肉質嫩滑，油潤鮮甜，加上唔會過甜既西京味噌真係令我一吃再吃! I Love this one!
最後兩個人仲好大食咁叫多個鰻魚飯，食左少少朋友已叫飽，仲要我食埋佢! 不過咁多樣反而覺得鰻魚飯比較一般，鰻魚不算特別肥美，味道一般。肉質不會過淋，重點係燒汁太少，要知呢個係食鰻魚飯重要既一環黎架嘛~~
兩個人坐左兩個鐘，就要趕住走因為要返屋企睇電視，不過總算係呢度為是日尖咀一日遊畫上滿足既句號!! 朋友仲話下次同我出街要帶定胃藥囉，有無咁誇張呀？=))))
張貼
