影片
更多
2021-12-09
101 瀏覽
送完物資俾廣華醫院嘅留醫親友，行出廣華街打算醫肚，但其實果頭幾間餐廳嘅下午茶都唔平。見到越男仔嘅下午茶個價都可以，就入去試試，除咗係黃店，估唔到有驚喜。叫咗碗越式牛肉湯河粉$45，果日仲咁啱特飲做半價，加咗$6飲咗杯生果茶。😄驚喜係唔同好多其他越式生牛肉湯河，送到時已經熟哂。呢碗牛肉上嚟時仲係半生熟，口感啱啱好同好滑，仲有幾多塊牛肉。即使食食下啲牛肉熟咗轉色，都唔會好「鞋」。👍👍😋😋另外，啲侍應服務幾好，除咗建議原本想水果茶走冰嘅我飲少冰好飲啲，仲講解越男仔調味三寶點落好味。😋不過鍾意蒜香味嘅我，落咗4大匙蝦油蒜頭（呢個愛蒜之人勁推介👍👍～）。食得開心，最後仲加多$10要咗兩件春卷，同朋友開心「些牙」，件春卷熱辣辣同好脆，啲料都好足。結果，雖然比預期洗多咗錢，而且水果茶啲生果好一般。但整體嚟計，成餐都好滿足。😄
見到越男仔嘅下午茶個價都可以，就入去試試，除咗係黃店，估唔到有驚喜。
叫咗碗越式牛肉湯河粉$45，果日仲咁啱特飲做半價，加咗$6飲咗杯生果茶。😄
驚喜係唔同好多其他越式生牛肉湯河，送到時已經熟哂。
呢碗牛肉上嚟時仲係半生熟，口感啱啱好同好滑，仲有幾多塊牛肉。
即使食食下啲牛肉熟咗轉色，都唔會好「鞋」。👍👍😋😋
另外，啲侍應服務幾好，除咗建議原本想水果茶走冰嘅我飲少冰好飲啲，仲講解越男仔調味三寶點落好味。😋
不過鍾意蒜香味嘅我，落咗4大匙蝦油蒜頭（呢個愛蒜之人勁推介👍👍～）。
食得開心，最後仲加多$10要咗兩件春卷，同朋友開心「些牙」，件春卷熱辣辣同好脆，啲料都好足。
結果，雖然比預期洗多咗錢，而且水果茶啲生果好一般。但整體嚟計，成餐都好滿足。😄
張貼
