影片
更多
2011-05-28
195 瀏覽
我哋一行十二個大人, 加埋百厭仔, 又嚟幫襯興記. 要喺星期日幫襯興記, 當然要先BOOK位啦, 老公早喺星期二已BOOK咗位喇今次搵咗兩個壯男一齊入咗元朗大橋街市買海鮮, 買咗蟶子, 貴妃蚌, 大蜆, 鮑魚仔, 羔蟹, 桶蠔, 九節蝦. 由於大橋街市嘅瀨尿蝦比較細隻, 所以最後去返三聖忠仔記買瀨尿蝦, 三聖啲海鮮真係貴過元朗大橋街市好多, 買一樣半樣就無所謂. 總數計埋入元朗嘅車費, 去大橋街市仲著數.今次去大橋街市買海鮮, 又學識多樣嘢喇. 話說買蟶子, 貴妃蚌時, 阿姐問我使唔使劏, 我話唔使. 阿姐好奇怪, 買咁多蟶子同貴妃蚌唔使劏? 跟住就問我係咪攞去加工, 我話係. 阿姐就問幾點食, 我話18:30 (當時係17:30). 佢話買完就攞去加工梗係劏埋啦, 劏完輕秤好多架, 去加工啲殼同啲沙都計錢架. 咁又係喎. 阿姐就勁快手同蟶子去穀挑沙, 貴妃蚌就去半殼. 師奶仔嘅心聲-(今時今日物價高漲, 當然慳得幾多就幾多啦) 豉椒炒蟶子--豉汁香濃, 辣辣地超冶味 豉椒炒蜆--同炒蟶子一樣超冶味 砵酒焗蠔--淡淡酒香又夠乾身, 佢應該加咗少少蜜糖, 甜甜哋, 好味 椒鹽瀨尿
今次搵咗兩個壯男一齊入咗元朗大橋街市買海鮮, 買咗蟶子, 貴妃蚌, 大蜆, 鮑魚仔, 羔蟹, 桶蠔, 九節蝦. 由於大橋街市嘅瀨尿蝦比較細隻, 所以最後去返三聖忠仔記買瀨尿蝦, 三聖啲海鮮真係貴過元朗大橋街市好多, 買一樣半樣就無所謂. 總數計埋入元朗嘅車費, 去大橋街市仲著數.
今次去大橋街市買海鮮, 又學識多樣嘢喇. 話說買蟶子, 貴妃蚌時, 阿姐問我使唔使劏, 我話唔使. 阿姐好奇怪, 買咁多蟶子同貴妃蚌唔使劏? 跟住就問我係咪攞去加工, 我話係. 阿姐就問幾點食, 我話18:30 (當時係17:30). 佢話買完就攞去加工梗係劏埋啦, 劏完輕秤好多架, 去加工啲殼同啲沙都計錢架. 咁又係喎. 阿姐就勁快手同蟶子去穀挑沙, 貴妃蚌就去半殼. 師奶仔嘅心聲-(今時今日物價高漲, 當然慳得幾多就幾多啦)
豉椒炒蟶子--豉汁香濃, 辣辣地超冶味
豉椒炒蜆--同炒蟶子一樣超冶味
砵酒焗蠔--淡淡酒香又夠乾身, 佢應該加咗少少蜜糖, 甜甜哋, 好味
椒鹽瀨尿蝦--今次無之前咁油膩, 夠乾身, 掂!
薑蔥炒羔蟹--羔蟹勁多羔, 正
白灼九節蝦--啲蝦真係好鮮甜, 正! (但有人反映九節蝦比較細隻, 下次買普通基圍蝦喎, 哈, 又平啲)
果皮蒸鮑魚仔--唔錯
蒜蓉蒸貴妃蚌--蒜蓉帶起蚌肉嘅鮮甜味, 粉絲又吸咗啲汁, 正!
椒絲腐乳炒通菜 (加大-$70.00)--比較咸咗啲另外叫多一碟豉油皇炒麵+一碟楊洲炒飯 (各$40.00)
大橋街市買咗七樣海鮮 $1,100.00 + 忠仔記瀨尿蝦 $200.00 + 興記埋單 $850
總共$2150.00, 平均每人$180.00咋.
張貼
