影片
更多
2021-04-27
97 瀏覽
成日喺旺角一支公唔知食咩好，想試吓食越南野，一OpenRice就見到呢間越男仔。舖頭個Menu真係好適合貪心嘅人食。一個set包飯包湯包沙律仲有個米紙卷，幾大食都會覺得好滿足。餐湯有好多款，今次叫咗椰子酸湯，個湯有少少冬陰功嘅感覺，淡淡椰香，成個感覺好開胃。鳳爪不過不失，整體都係酸酸甜甜，作為開胃菜都幾唔錯。雞絲米子卷要搭配佢哋嘅醬汁，米紙卷煙煙韌韌，配埋醬汁同樣都係酸酸甜甜，食完三樣開胃菜之後，成個感覺就係好想快啲食主菜，真係越食越想食。主菜我嗌咗鴛鴦雞配黃姜飯，炸雞除咗爽脆之外，仲有牛油香。海南雞都幾嫩滑，不過蔥油略鹹，所以我冇撈太多落過黃姜飯到。整體一個set，大概$100到，作為假日一支公搵食，又想有少少要求，我覺得十分之滿意。
舖頭個Menu真係好適合貪心嘅人食。一個set包飯包湯包沙律仲有個米紙卷，幾大食都會覺得好滿足。
餐湯有好多款，今次叫咗椰子酸湯，個湯有少少冬陰功嘅感覺，淡淡椰香，成個感覺好開胃。
鳳爪不過不失，整體都係酸酸甜甜，作為開胃菜都幾唔錯。
雞絲米子卷要搭配佢哋嘅醬汁，米紙卷煙煙韌韌，配埋醬汁同樣都係酸酸甜甜，食完三樣開胃菜之後，成個感覺就係好想快啲食主菜，真係越食越想食。
主菜我嗌咗鴛鴦雞配黃姜飯，炸雞除咗爽脆之外，仲有牛油香。海南雞都幾嫩滑，不過蔥油略鹹，所以我冇撈太多落過黃姜飯到。
整體一個set，大概$100到，作為假日一支公搵食，又想有少少要求，我覺得十分之滿意。
張貼
