常滿百家菜

營業中

休息中

今晚難得一家人帶埋嫲嫲出街食飯，後生嘅想打邊爐，嫲嫲就怕熱氣，咁我就想起嚟呢度食就可以各適其適啦🤗先講雞煲，雞嘅份量唔算少，我哋五個人每人兩三件左右，雞肉都嫩滑，味道唔會太咸，食完雞就加湯打邊爐，湯一早已放在檯面自己加的。火鍋料嘅肉類海鮮係剔紙仔，其他丸類蔬菜係自助區自己攞，蔬菜夠新鮮👍🏻牛肉就一般，豬肉嚡口不試也罷，蝦就正常。另外自助區有小食、甜品供應，水準一般。點心方面，蝦餃大隻但個皮散左賣相唔掂味道可以，燒賣同鳳爪正常。值得一提，呢度飲品係任飲，竟然有大樽裝可樂😱啤酒都係大大支任飲。我哋八時前離座重要每位減$20，真係好抵👍🏻今晚無咩人，所以唔會覺得坐得好迫。不過明顯佢哋嘅人手不足，好多時要我自己清理碟、汽水樽，不過咁嘅價錢，我都唔會期望有服務😅