韓牛牧場 (已結業)

今日同朋友去時代廣場行街，行到差唔多搵定地方食晚飯! 我地去左登龍街永光中心3樓一間叫”韓牛牧場”的韓燒食晚餐，距離時代廣場同地鐵站又近，只需行幾分鐘就到了，方便食完野再去血拼一番! 我地6點幾去到未算多人，安排左窗邊卡位比我地坐，環境亦都舒適，呢間韓燒同其他的有D唔同，佢係用德國寶嘅無煙燒烤爐，無一般用火咁大煙同大味!由入座起120分鐘燒烤放題 (平日去Dinner $298加一)，唔係每樣都可以任食，有一D食物寫住”定量”，只可以叫一次 (例如 羊架、安格斯牛肉眼扒、醬油蝦、刺身韓牛壽司)，枱面有張餐紙顯示左唔同種類的食物燒烤的時間，方便大家! 其他食材亦都幾吸引有刺身、海鮮、韓式的熱食等等，近入口牆邊會有一排自助區，可以自己選擇喜歡的前菜，平時去開韓國鋪頭都只得小小，而家可以任食! 另有幾個飲品的雪櫃，種類亦都幾多選擇，包括韓國鋪頭必飲的提子汁、雪梨水等…鋪頭係用QR CODE去點野食，可以係電話度一目了然，送野食亦都好快手，首先會送刺身同海鮮之類，然後會送定量的食物黎，刺身同海鮮擺盤都幾精美，食物的質素亦唔錯，有唔同的肉類可以點食，滿足一班食肉獸!食到最後仲有甜品雪條食，令人意