大瀛喜日本料理

上星期約左同事同佢老公一行4人去旺角食放題、好彩早一日打電話去訂位、去到門口都好多人排緊隊、我地到左唔洗五分鐘、就已經安排到坐位俾我地、環境比較黑同迫。
先黎叫左魚生、三文魚、甜蝦、紅蝦都好新鮮、帶子唔係好掂、可以唔洗叫。

其他熟食有黃金蝦、炒蟹、黃金蝦好味、肉質彈牙、有淡淡鹹蛋香味、蟹無乜肉一般般、羊架肉嫩多汁、燒得啱啱好、好味！
重有我最愛榴槤炸彈！炸芝士、真係好好味！
另外、甜品都有好多選擇、芒果糯米糍、法式燉蛋、牛奶布丁、木糠布甸、味道都唔錯。

其實食物真係唔錯、但服務真係一般、我地坐响有矮屏風既地方、侍應因爲貪方便每次都響屏風另一邊將食物放過嚟、所以所有食物包括熱辣辣既鍋物都響我哋頭頂經過、比較危險、希望餐廳會改善一下。