漁初·魚丼 (已結業)

天悅廣場附近開咗間日式小店，主打丼飯、串燒、刺身、卷物同日式小食，種類多選擇豐富，仲有自選魚生飯，可以自行配搭心水丼飯。🥢自選魚生飯最少揀三款配料，揀咗活赤背（$50）、海膽（$50）、火炙鰈魚邊（$30）同三文魚籽（$30）+ 飯底（$15），刺身新鮮配襯埋調校得剛好嘅醋飯，可以食到自己想要嘅組合感覺特別幸福。🥢三文魚系列魚生飯 （$148）預設嘅丼飯選擇非常多，朋友點咗三文魚、油甘魚、帶子、玉子燒，賣相澎湃，刺身厚身又細密，味道濃郁鮮甜。丼飯追加$15有湯、沙律、前菜，一人叫一丼酢飯可無限添加。🍢另外仲叫咗幾款串燒，全部即叫即燒，醬汁惹味：燒明太子雞髀肉$22燒長洲大魚旦$15燒蒜芯$15燒雞腎$22⭐️餐廳用料新鮮，性價比高，仲有即開生蠔！ 晚飯時段差不多滿座，指定時段有折扣優惠，仲有唔少人叫外賣返屋企歎添。