79
2
2
港鐵長沙灣站 A2 出口, 步行約6分鐘
繼續閱讀
電話號碼
23886959
開飯介紹
區內日式小店，由經驗豐富的師傅主理；選用由日本直送的時令食材，炮製海鮮丼飯、季節性料理等菜式；吧枱更展示新鮮的貝類海產，讓人食指大動。
繼續閱讀
附加資料
消費滿$300或以上方可使用信用卡付款
營業時間
今日營業
12:00 - 15:00
18:00 - 22:30
星期一
全日休息
星期二至日
12:00 - 15:00
18:00 - 22:30
公眾假期
12:00 - 15:00
18:00 - 22:30
*營業時間:如星期一為公眾假期，餐廳將會如常營業。
以上資料只供參考, 請與餐廳確認詳情
有關餐廳
-
網上訂座服務暫停
深水埗呢頭一向比較少日式魚生丼飯餐廳 呢次就搵到一間想介紹俾大家🥰 見到門口嘅燈籠加上木色系嘅佈置就已經感受到日本嘅味道啦😛三文魚系列海鮮丼飯我揀咗三文魚 火炙三文魚腩 熟帶子 玉子燒🤣 三文魚真係好厚切㗎 火炙三文魚腩油香更加厲害 熟帶子同玉子燒味道就正正常常 我仲另外追加咗定食 有埋沙律 麵豉湯同味付螺肉 夠晒豐富😙火炙鰈魚邊丼雖然呢個丼嘅魚生就只係得火炙鰈魚邊 但係呢個鰈魚邊真係超級香呀😻 而鰈魚邊嘅份量都好多 鍾意重魚油香嘅朋友一定要試呢個火炙鰈魚邊 真係回味無窮👍🏻碎葱吞拿魚腩蓉反卷卷物上面放咗吞拿魚腩蓉小山 卷物入面就包裹住青瓜絲 吞拿魚腩蓉做得幾好 唔怕有筋🐟炸流心芝士薯餅呢個係是日推介 薯餅上檯嘅時候已經切開咗 不過都唔怕唔夠熱🥔 幾方便同友人share食 見到入面真係好多芝士㗎🧀生啤見到餐廳做緊生啤買一送一 我就同友人一人叫一杯 仲可以選擇白啤 黑啤 定鴛鴦㗎🍻 放工啤啤佢真係好開心😁呢間餐廳只要每人都叫咗一個丼飯就可以享有飯任添嘅優惠😎 我同友人今次就食得好飽 所以冇加到啦 如果係大食嘅朋友都唔驚唔飽啊😌
繼續閱讀
今次食食食之旅黎到長沙灣😌去開長沙灣個邊搵食，見到呢間幾有特色嘅日本餐廳，主打海鮮丼飯同串燒，就決定入去試試佢😎📷餐廳位於天悅廣場地下，餐廳裝修充滿日本🇯🇵居酒屋feel🤗有好多燈籠、酒樽等做裝飾🏮🎎🎏，連餐具都好有日本特色，猶如置身日本🇯🇵🤗雖然店面比較細，但去到都幾乎坐滿，今次我哋坐係bar 枱，仲可以見到師傅嘅製作過程，有得睇又有得食，正🤩😆🍴三文魚、油甘魚、帶子、北寄貝、赤蝦、蟹籽、玉子燒-海鮮丼飯💰HK$138✨推薦指數：9/10呢度有多款海鮮丼飯揀，今次我哋就揀咗—三文魚、油甘魚、帶子、北寄貝、赤蝦、蟹籽、玉子燒😇一嚟到啲材料完全鋪滿係飯上面，好似就快滿瀉咁🤣食材好新鮮，每款大約有2️⃣件，三文魚夠肥美，油甘魚都好厚身，帶子鮮甜，北寄貝爽口😙赤蝦雖然得1️⃣隻，但係超大隻，仲好新鮮添🤩唔好以為個碗好細，好似份量好少咁，原來個碗好深，下面有好多飯，就算👦🏻都食到好夠飽🤤🍴火炙鰈魚邊、磯燒鮑魚、吞拿魚腩蓉、玉子燒-海鮮丼飯💰HK$128✨推薦指數：9/10試咗新鮮海鮮，另一款就試吓火炙嘅😌呢款有火炙鰈魚邊、磯燒鮑魚、吞拿魚腩蓉、玉子燒😇火炙鰈魚邊燒出油脂香，食落帶少少入口即溶嘅口感，油脂感係口腔爆發，好正😋磯燒鮑魚係1️⃣隻對半切開，仲配有自家製鮑魚肝醬，味道香濃，食落口感彈牙🤤吞拿魚腩蓉份量都唔少，口感軟綿綿，又入味，撈飯一流😛😛😛一讚嘅係佢嘅子薑超甜，一啲都唔辣，樂好好食😋🍴火山卷💰HK$88✨推薦指數：8/10呢款係辣醬三文魚卷配青瓜絲，面頭灑上脆脆，即指卡樂B薯片，又幾得意嘅配搭🤣食落辣味又幾強，三文魚切成粒，新鮮肥美再配埋爽口青瓜又幾fresh，連埋脆脆一齊食口感更豐富😋🍴鰻魚豆腐天婦羅💰HK$78✨推薦指數：9.5/10呢款從來未見過，所以一見到就即刻想試😆佢係用咗口感超嫩滑嘅日本豆腐夾住肥美嘅蒲燒鰻魚，再用薄身海苔包住，沾滿麵粉去油炸，但外層炸粉做到非常薄，形成外脆內軟滿嘅口感，層次非常豐富🤩餐廳亦都配有天婦羅鰹魚汁，👧🏻覺得一定要配呢個汁，因為本身豆腐味道比較淡，配上呢個汁會更鮮味🤤🤤🤤記住襯熱食呀♨️必嗌‼️‼️‼️‼️🍴熊本一口和牛粒💰HK$58✨推薦指數：7/10呢度都有多款串燒可以揀，今次淨係試咗兩款，和牛粒燒得岩岩好，入口後油脂感十足，牛味香濃口感軟腍唔韌，不過略嚴細粒咗少少，不過都好食嘅😚🍴燒牛舌心💰HK$58✨推薦指數：7/10牛舌心都燒得岩岩好，不過比較細塊薄身，食落有嚼勁，但如果厚身啲會更好😛🍴自家製免治雞肉丸💰HK$48✨推薦指數：8.5/10一份有3️⃣粒，仲有新鮮生蛋放係碗度，賣相幾靚😙雞肉丸食落幾有口感，唔會好梅嘅感覺，入面仲加咗紅蘿蔔粒，令到口感更豐富，配埋蛋汁更加香滑，多重層次好好食😋
繼續閱讀
由於小弟有唔少親戚朋友都住問深水埗、長沙灣一帶，所以，間唔中都會嚟到呢一頭，都睇到呢頭嘅變遷，亦見證唔少食肆嘅起起跌跌。好似今晚到訪嘅「漁初•魚丼 」，記得年幾前嚟嘅時候仲喺做緊鐵板燒，如今就變為以海鮮丼為主嘅和食店。 唔喺講笑，才7:00pm，差唔多全院滿座，非常熱鬧。門面嘅裝修就極具和風，走進店內，佈置就間約啲，但天花有唔少別緻嘅和風掛飾，如雞泡魚燈籠、藤織魚形燈罩，都非常有趣，而兩邊牆身就貼滿唔少精美嘅食物照，務求吸引大家嘅食慾。 整體地方唔算大，近門口喺二人、四人枱，而再入啲，就喺吧枱位，可以睇到師傅切魚生、製作壽司，我哋剛好被安排坐晌吧位。 晌「枱頭」，除咗擺咗唔少清酒出嚟，最特別應該喺自家浸嘅梅酒，不過，小弟本身唔好酒，否則都想試試，有興趣嘅客人就不妨小酌一杯。 我同老友都喺算健康之人，飲杯熱茶仲啱我哋，而熱茶就無咩特別，但啲日式茶杯就好靚仔。啲公仔唔喺就咁印落去，摸上手有凹凸坑紋，色彩艷麗。 翻一翻餐牌，海鮮丼飯就見到有好多款式，預設嘅就已經分咗好多款系列，喜歡自已揀心水配搭嘅，又有自選魚生飯，此外，仲有佐酒小食、刺身、卷物、壽司、手卷、串燒及特色燒物，選擇非常之多。最特別喺凡叫海鮮丼（一人一丼之下），醋飯喺可無限添加，但好老實，咪睇啲丼飯好似細細碗，查實飯量不少，除非喺「飯桶」，好大食，否則相信大部份人都唔需要添飯。 此外，更提供新鮮日本生蠔，不過，由於我哋無打算食，所以，亦無刻意問價，只知晌燒物中有一道蒜香燒生蠔而已。 豚肉露筍卷 $28先嚟一客串燒熱吓身，豚肉切得薄薄一片，包住啲露筍嚟燒，出嚟嘅效果好正，外層嘅豚肉充滿油香，有少少食煙肉嘅感覺，而露筍本身爽嫩脆口，食落無渣，嚟咗啲油香，更豐腴甘香。 鰻魚豆腐天婦羅 $78再試一道小食，見唔少食評都讚呢個小食，的確，咁嘅配搭已好少見，仲要做成天婦羅，非常有意思。咬落外層脆卜卜，唔油膩，裡面嘅豆腐就好嫩滑，滲入微微鰻魚嘅油香，再加埋鰻魚嘅柔嫩口感，口感極富層次。E3 海鮮丼飯 $88 我哋不約而同都喺揀火炙鰈魚邊系列嘅丼飯，老友呢一款包括火炙鰈魚邊，油甘魚、三文魚、玉子燒，賣相做得精緻，詳情就唔講喇，總之老友一路食，就一路讚，主要都喺覺得啲食材夠新鮮，無論油甘、抑或三文，油潤肥美，加上件件厚切，食落大滿足，而火炙鰈魚邊更喺有驚喜。 E2 海鮮丼飯 $98 我揀呢一款海鮮丼，同樣食材多元，包括有火炙鰈魚邊，帶子、北寄貝、蟹籽、玉子燒，賣相同樣吸睛，色彩繽紛好靚仔，又夠立體喎，真喺可以講話未食就先興奮，認真期待。而魚紋嘅木匙羹都好得意。 順帶一提，每個丼飯都可以加$15就配有沙律、湯及前菜，咁划算，目測所見都無乜人唔加配。簡單嘅田園沙律淋上柚子醋，已喺好清新醒胃，而前菜喺爽口嘅中華沙律，稍嫌無乜特色，又跟啲沙律有相類似，反而俾啲漬物個人感覺仲討好；至於個味噌湯真喺正喎，麵豉味極為香濃，又「暖笠笠」。輪講分享個飯，啲醋飯果然唔錯，店家講明喺用上日本米，飯粒黏糯，混上少少蟹籽一齊食，口感唔同晒；日本芥末同啲生薑片已放咗晌片紫蘇葉後面，一口魚生，一片生薑，再一啖飯，鰈魚邊本身已油份足，燒一燒更能逼出油香，有種入口即化嘅感覺；帶子及北寄貝都好鮮甜，前者口感柔嫩，後者就帶點韌勁，同樣好食，就連玉子燒都無欺場，蛋香味十分濃郁。燒芝士年糕 $38店長推介佢哋嘅串燒做得有一手，之前食嘅豚肉露筍卷已俾足我哋信心，所以，再追加幾串串燒當甜品作結。先嚟嘅燒芝士年糕，外觀金黃，咬落去香口不膩，裡面煙糯，中心位嘅芝士溶透，軟綿並充滿芝香，真喺作為甜品喺美妙之選。 燒菠蘿 $18、一口甜薯$18燒菠蘿喺一早諗定嘅心水，當喺飯後果，又可以當甜品；燒過之後，收收水，菠蘿味更加濃郁、香甜。朋友原來未食過日本呢類一口甜薯，所以索性試埋佢，啲番薯入口夠晒粉，又夠甜，如果胃納仲夠嘅話，真喺不妨叫一客當甜品。海鮮丼不愧店中招牌，兩款丼飯都出色，用料不賴，而其他食物亦具水準，定價合理，招呼亦好唔錯，無怪乎咁多人幫襯。
繼續閱讀
🐟火炙鰈魚邊·赤蝦·三文魚·玉子燒 $118唔好睇隻碗細細隻，食曬係超級飽😂 鰈魚邊切得幾厚，油脂感都好夠，非常香口💁🏼♀️赤蝦新鮮，味道鮮甜🦐三文魚就普通，有少少筋🥹🔥 火炙鰈魚邊·熟帶子· 火炙三文魚腩·玉子燒 $88唔食生野既朋友可以揀呢款🙆🏻♀️醋飯調味岩岩好，越食越開胃😋但係全部都係火炙就比較油膩🥲🦀️蟹膏蟹肉甲羅燒 $58每次去居酒屋必點🏮真係熱辣辣燒出黎，撈埋蟹籽，放上去脆卜卜既多士上面，超級正😍🍤鰻魚豆腐天婦羅 $78呢個好特別，出面無見過🙈無論係味道同口感都幾有層次🥢佢用左紫菜包住兩種材料，所以一次過可以食到三種味道😜先食到香脆既外皮，再試到軟滑既豆腐🤗🐔自家製免治雞肉丸 $48呢個比較普通，口感偏腍，個人鍾意有好多雞軟骨粒係入面果種🌝呢到既海鮮丼魚生既份量無出面咁多，但係整體黎講都幾新鮮🤤而且醋飯係免費任添既❗️❗️除左魚生飯，仲有好多串燒，生蠔都有得揀添😲裝修都好有日本風味🇯🇵
繼續閱讀
長沙灣又有新餐廳開啦～今次呢間餐廳係日式小店，除咗魚生飯之外，仲可以揀串燒，價錢都好合理。海鮮丼飯 $78我揀咗雜錦系列（吞拿魚腩蓉、角切魚生、玉子燒），酢飯可以無限添加，所以大胃王都唔怕食唔飽，放心盡情添飯啦～原本想轉沙律菜但因為吞拿魚腩蓉要配飯，所以店員送咗份沙律比我，好細心！油甘魚刺身$42油甘魚厚切鮮甜吉列軟殼蟹反卷$88軟殼蟹香脆，配上沙律醬同蟹子，正😋燒牛舌心 $58牛舌心厚切多汁，口感軟腍嫩滑美國安格斯牛小排 $58雖然我哋嗌咗牛小排，但食落口感似牛柳豚肉露荀卷 $28原本想食豚肉荔枝卷，但當日賣晒就轉試露荀卷，豚肉配露荀都幾特別。燒雞軟骨（2串）$24推薦必食！雞軟骨好食！忍唔住encore食多次🤣🤣自家製免治雞肉丸 $48雞肉丸係自家製，口感似豬肉丸，另外再加軟骨同埋配上蛋黃汁，令到個雞肉丸更香滑，口感豐富。燒菠蘿 $18好甜又多汁波子汽水 $22飲品方面可以選擇唔多，唔想飲啤酒只好揀波子汽水。雖然係小店，餐廳嘅面積唔大，但都感受到誠意滿滿，晚市座無虛席。
繼續閱讀