Fûhn (The L. Square) (已結業)

收工後去銅鑼灣行街街，行到餓餓地，見到間越南菜未食過就去試下。🐖香茅豬扒飯+荷包蛋👉好抵食呀！$78豬扒外面酥脆，肉裡好Juicy 唔乾唔韌，蔥油好香也不油膩，配上荷包蛋同香蔥撈飯一絕。🐂火車牛魔金邊粉👉好豐富呀！$128一上枱就聞到陣陣的牛香味，飲一啖湯底，好鮮甜，最重要是沒有味精，份量足夠2-3人，一次過食到牛的不同部位，有生牛肉片、牛坑腩、牛丸、牛筋片、牛腩邊和牛柏葉。🥢生牛肉片透過湯底浸熟🥢牛坑腩、牛筋片和牛腩邊煮得好冧🥢牛丸和牛柏葉都好爽口彈牙溫馨提示: 餐廳預備了一支魚露，加少許可以令湯底提鮮。🦐鮮蝦米紙卷👉好健康呀！$78有菜、米粉同鮮蝦整成嘅米紙卷，米紙煙煙韌韌，配上一個好特別的醬 (混集了酸甜辣)，感覺好fresh。🐂香草焗牛筒骨👉好特別呀！$98牛筒骨烤得好香，濃濃香草味，配上鹹香蒜蓉包，將香草牛骨髓搽在蒜蓉包上，食落脆脆蒜蓉包加上香草味又不會掩蓋牛骨髓的甘香。全部都份量十足，食得好飽且感到相當滿足。