.
極上海之幸丼🦐🦀🍚
大拖羅，日本牡丹蝦，磯煮鮑魚，大蟹鉗，深海池魚，真鯛，油甘魚，海膽，蔥花拖羅魚蓉，三文魚籽😍😍😍全部都係我最鍾意食嘅魚生！每樣都非常厚切，新鮮程度💯
.
火炙呑拿魚沙律🐟🥗
吞拿魚輕輕燒過🔥邊邊位落左黑椒，生熟程度控制到啱啱好🫶🏻灑咗啲芝麻特別香☺️
.
安格斯牛肉薄燒🥩
每塊牛肉都有油香🤩重點係咬落去餡料滿滿！有韮菜+芽菜，係好juicy呢～
.
芝士年糕🧀
大大粒咬落好煙韌，一定要趁熱食，啲芝士先至夠軟心🩷
.
豚肉蘆筍卷🐷
呢個組合係Perfect match，蘆筍夠爽口，亦都中和咗豚肉嘅油香！
.
明太子雞翼🐔
咬落啖啖明太子，餡料十足，串燒一定要有雞翼先至完美！🫶🏻
.
田樂豆腐
甜甜辣辣咁，原來加咗豆瓣醬，平時少食豆腐嘅我都覺得唔錯😌
