小火焰韓式咖啡廳 (觀點中心) (已結業)

觀塘出名多野食，西式、日式、中菜、韓式都唔難搵。最近見呢間餐廳上左節目，就決定去試下！一到門口職員好快就安排好位置，而且好nice地提我地last order時間🥰餐廳安裝左好多個屏幕，一直loop Kpop MV, 岩晒中意Kpop既客人。食物方面，我地叫左拉絲芝士香燒雞翼伴泡菜炒飯同埋石鍋牛肉飯。拉絲芝士份量好多！芝士多到可以覆蓋成隻碟，雞翼一共4隻，雞翼配上燒汁好入味，而且雞肉好嫩滑。泡菜炒飯可轉白飯，我本身好中意食泡菜所以叫左泡菜飯，粒粒都有泡菜汁，特別惹味。至於石鍋飯，上菜時牛肉同蛋都係生既，店員會即場幫手攪拌，用石鍋既熱力將牛肉同蛋煮熟。石鍋飯既配料好豐富，而且最近天氣凍左，食石鍋飯特別暖！不過因為石鍋既溫度好高，食既時候要小心，唔會掂到佢！除左飯類，呢間餐廳既甜品好出名，下次黎再食甜品！