影片
更多
2022-06-08
172 瀏覽
週年慶祝不外乎食食食～食咗黎巴嫩菜，食咗南美菜，第三餐點少得我最愛嘅日本菜呢？老公帶咗我去壽兵衛食壽喜燒，壽兵衛主打傳統關西壽喜燒，除咗供應佐賀A5和牛，店內仲有乾式熟成櫃，可以食到熟成牛，啱晒我哋兩個食肉獸！晚市有4款套餐選擇，我哋點咗「Deluxe Wagyu Set」（$980/位），有前菜三點、海之幸三點、蒸物、海膽和牛他他、季節野菜盛合、牛料理四品、食事（滿溢筋子釜飯或烏冬）、汁物及甜品，非常豐富。餐廳走木系風格，裝潢雅緻，充滿和風。所有座位都係吧枱式設計，由師傅席前料理，同時滿足視覺及味覺！ 前菜三點有水雲、鮟鱇魚肝及鮑魚。水雲口感爽脆，配上酸汁非常醒胃。鮟鱇魚肝口感滑嫩細滑，配搭蘿蔔蓉，味道穩陣。鮑魚煮得軟腍，厚切食落甚有口感。海之幸三點是晚有牡丹蝦、帶子、拖羅。蒸物今次嘅蒸物好特別，竟然係螢光魷魚墨汁蒸蛋！蒸蛋口感嫩滑，加入墨魚汁後味道鮮濃，面頭仲有鮮甜爆膏嘅螢光魷魚，太好味！海膽和牛他他海膽和牛他他都好有新意，牛肉他他配上鵪鶉蛋漿，口感順滑惹味，巧妙地加上清甜爽脆嘅水晶梨粒，味道增添層次。師傅再喺面頭鋪上海膽同金箔作點綴，貴氣十足。牛料理四品終於來到重頭戲－壽喜燒啦！
晚市有4款套餐選擇，我哋點咗「Deluxe Wagyu Set」（$980/位），有前菜三點、海之幸三點、蒸物、海膽和牛他他、季節野菜盛合、牛料理四品、食事（滿溢筋子釜飯或烏冬）、汁物及甜品，非常豐富。
餐廳走木系風格，裝潢雅緻，充滿和風。所有座位都係吧枱式設計，由師傅席前料理，同時滿足視覺及味覺！ 
前菜三點
有水雲、鮟鱇魚肝及鮑魚。水雲口感爽脆，配上酸汁非常醒胃。鮟鱇魚肝口感滑嫩細滑，配搭蘿蔔蓉，味道穩陣。鮑魚煮得軟腍，厚切食落甚有口感。
海之幸三點
是晚有牡丹蝦、帶子、拖羅。
蒸物
今次嘅蒸物好特別，竟然係螢光魷魚墨汁蒸蛋！蒸蛋口感嫩滑，加入墨魚汁後味道鮮濃，面頭仲有鮮甜爆膏嘅螢光魷魚，太好味！
海膽和牛他他
海膽和牛他他都好有新意，牛肉他他配上鵪鶉蛋漿，口感順滑惹味，巧妙地加上清甜爽脆嘅水晶梨粒，味道增添層次。師傅再喺面頭鋪上海膽同金箔作點綴，貴氣十足。
牛料理四品
終於來到重頭戲－壽喜燒啦！
熟成安格斯西冷
師傅先用牛脂起鍋，令牛肉增添脂香。師傅建議三成熟，我哋當然冇問題啦！熟成安格斯西冷肉味濃郁，包住京葱減低膩感，食用時再沾滿日本赤蛋蛋液，令口感更為順滑。
和牛舌
牛舌燒得軟腍又爽彈，師傅再逐層加上雪鹽、蘿蔔蓉、葱粒和炸蒜片，更加帶出牛舌肉味。
和牛肉眼
期待已久嘅A5和牛！和牛油花分佈均勻，油脂豐腴。師傅建議配搭黃雞蛋，以免遮蓋和牛香濃嘅肉味。和牛肉質柔軟細緻，入口即化。第二口則沾上蛋液，口感香滑，兩種食法，各有千秋。
和牛西冷
西冷嘅肉味比肉眼更濃，肉質同樣柔軟，入口即化，好正！
季節野菜盛盒
有日本洋蔥、赤蒟蒻、日本皇帝菜、冬菇、豆腐、南瓜、芋絲、金菇菜、青蘋果等。野菜吸收壽喜燒汁及和牛肉汁嘅味道，樣樣都好食！日本洋蔥味道好特別，比平時食開嘅更為清甜。赤蒟蒻都好少見到，有別於於平時常見嘅白蒟蒻，赤蒟蒻在製作過程中加入紅色嘅氧化鐵，含有豐富鐵質，健康又好味！最後來片青蘋果簡直係神來之筆，酸酸甜甜，消濟一流！「
食事
釜飯
師傅先以日本米「一見鍾情」、甘筍、蓮藕、冬菇、蟹肉和蜜糖豆放入鍋中燜煮數十分鐘，飯熟後才加入香蔥同黑松露。上碟時，師傅就奉上一大碗滿滿嘅三文魚子！原來呢個Set可以無限添加三文魚籽！我呢個三文魚子控當然唔會放過呢個千載難逢嘅好機會啦！ 釜飯本身味道都好豐富，但加咗三文魚子後更有鹹香！
吸物
赤麵豉湯
甘物
甘物有兩款，水信玄餅晶瑩通透，配上黑糖蜜同黃豆粉一齊食，微甜滋味。菠蘿雪葩酸甜清新，味道清爽！
張貼
