更多
2022-05-30
24 瀏覽
閒逛完係尖沙咀誤打誤撞揾到間好有feel嘅日式餐廳,入到去真係置身於日本咁,內裏裝潢以木質調為主,每個細節都充滿古典、復古嘅情懷,配合柔和燈光,不論同友人定伴侶「一遊」都是為不錯之選。另外順道一提,餐廳店員服務態度都唔錯,會關心顧客食用感受,又會不時為菜式作出介紹,令人食得舒服。溫泉玉子 看似簡單一道菜色,整得好食都唔容易。蛋白十分滑溜,切開內裏真係剛剛好,唔會太過流心亦無凝固部分,蛋味極濃確實無需過多修飾。醬汁甜香,混入蛋黃內更能提鮮,鹹度適中。刺身五點 一份拼盤包含甜蝦、吞拿魚、油甘魚、三文魚、帶子、吞拿魚腩蓉、北海道海膽,呢個定價,質量果然有返咁上下,每件都厚切肥美,夠新鮮。特別推薦甜蝦,大大條完全唔係外面見到嘅尺寸;油甘魚好肥美,咬開會有種油脂滲出;清甜帶子配搭香濃甘甜北海道海膽,成件事特別鮮美。魷魚酥 好欣賞佢大大碟,每件炸粉都唔厚,又唔會同內餡分離得太多,兩樣嘢入口真係好和諧。魷魚味濃郁鮮香,唔會淡茂茂只剩冰鮮口感,炸後用上鹽巴調味過,特別原汁原味。另外都可以請店員加配沙律醬,冷熱配搭又係另一番風味,仲可以降低鹹度~蟹肉忌廉 一共四件,每舊都好有份量,同樣地外皮好薄,則重餡
閒逛完係尖沙咀誤打誤撞揾到間好有feel嘅日式餐廳,入到去真係置身於日本咁,內裏裝潢以木質調為主,每個細節都充滿古典、復古嘅情懷,配合柔和燈光,不論同友人定伴侶「一遊」都是為不錯之選。另外順道一提,餐廳店員服務態度都唔錯,會關心顧客食用感受,又會不時為菜式作出介紹,令人食得舒服。
溫泉玉子
看似簡單一道菜色,整得好食都唔容易。蛋白十分滑溜,切開內裏真係剛剛好,唔會太過流心亦無凝固部分,蛋味極濃確實無需過多修飾。醬汁甜香,混入蛋黃內更能提鮮,鹹度適中。
刺身五點
一份拼盤包含甜蝦、吞拿魚、油甘魚、三文魚、帶子、吞拿魚腩蓉、北海道海膽,呢個定價,質量果然有返咁上下,每件都厚切肥美,夠新鮮。特別推薦甜蝦,大大條完全唔係外面見到嘅尺寸;油甘魚好肥美,咬開會有種油脂滲出;清甜帶子配搭香濃甘甜北海道海膽,成件事特別鮮美。
魷魚酥
好欣賞佢大大碟,每件炸粉都唔厚,又唔會同內餡分離得太多,兩樣嘢入口真係好和諧。魷魚味濃郁鮮香,唔會淡茂茂只剩冰鮮口感,炸後用上鹽巴調味過,特別原汁原味。另外都可以請店員加配沙律醬,冷熱配搭又係另一番風味,仲可以降低鹹度~
蟹肉忌廉
一共四件,每舊都好有份量,同樣地外皮好薄,則重餡料。咬開果然飽滿,菜如其名,貨真價實啖啖蟹肉絲,混合忌廉,夠曬creamy,但又唔會膩,幸福感滿溢。幾鍾意旁邊伴碟嘅沙律,用上酸酸甜甜沙律醋配搭,夠曬refreshing。
雞肉土瓶蒸
又稱雞肉茶壺湯,顧名思義就係用上古式茶壺裝住嘅雞肉湯,飲落好濃縮特別香,菇菌同雞肉味相輔相成,好和味。另外壺內仲會保留一啲雞肉同蔬菜,享受完湯都可以食用,味道比較清淡但好完整,吸收曬湯嘅精華,不錯吃。
生姜豚肉石頭飯
未食已經聞到撲鼻而來有種好香嘅熱石鍋味,食落整道菜式都有種甜醬油同埋生薑柔和嘅香氣,肉方面用上沖繩豚肉,豬味特別濃,又唔會過於乾硬。個人幾鍾意呢道菜,不過要提點因為用上甜底醬汁撈過,特別容易變焦黑,會有點苦味,所以影張相就要趕快享用了~如果鍾意有點飯焦,盡量用無醬油部分靠近鍋底會比較好。
飲品方面今次試到一款好值得推薦,就係新鮮水果茶。上檯會有蠟燭暖住,聽介紹先知入面包含:蘋果、橙、士多啤梨、紅桑子、百香果、提子乾、雪梨乾,一共七種有多嘅水果,夠曬營養。飲落仲有驚喜,真係好香甜清新,帶點微微酸度,生津開胃又解膩,用黎配搭全餐非常好。
張貼