影片
更多
2019-01-27
173 瀏覽
天氣凍冰冰，放咗工就落荃灣食返個海鮮蒸氣火鍋，作為同閨蜜嘅團年飯！我對荃灣唔係咁熟路，就由閨蜜安排啦！聽講係新開張嘅水上人海鮮蒸鍋，經理向我哋推介 $268/位 八鮮蒸鍋，足足有八款海鮮我哋可以自己揀喜歡嘅煮法、醬汁，食法又幾新鮮喎！店員話新開張送燉湯，每人一盅，真材實料滋潤好味。如果喜歡食海鮮真係值得推介！龍蝦、蟹、鮑魚、海蝦、元貝、魚、帶子、蜆。真係超級豐富，最開心係全程有專人服侍，我哋完全唔使憂心，每樣海鮮蒸幾多分鐘都有店員幫手負責。仲有得玩夾海鮮機一次，好似夾公仔咁，見到好多蟹但係我哋夾唔中，不過就幾好玩又有氣氛。最先出場嘅係龍蝦我哋用白汁煮，清甜而且又好彈牙，啖啖肉好味道。蟹蟹膏多到爆出嚟，蟹肉鮮甜多汁。鮑魚綠色嘅翡翠汁好特別，食落有香草味，鮑魚新鮮生猛，蒸嘅時候仲扎扎跳。海蝦士多啤梨蟹籽醬，我都係第一次食真係好新奇，開邊蒸方便食得滋味。元貝、帶子同樣都係連貝殼一齊正，肉厚多汁，食過返尋味。魚當晚係多寶魚，魚肉好鮮嫩。蜆相對其他海鮮就比較細，味道不錯！淨係食海鮮可能唔夠飽，但係如果食埋之後嘅八寶蒸飯就一定好滿足啦！我哋可以自由選擇八款材料，喺最後階段一齊蒸飯，有肉有蔬菜，所有
聽講係新開張嘅水上人海鮮蒸鍋，經理向我哋推介 $268/位 八鮮蒸鍋，足足有八款海鮮我哋可以自己揀喜歡嘅煮法、醬汁，食法又幾新鮮喎！
店員話新開張送燉湯，每人一盅，真材實料滋潤好味。
如果喜歡食海鮮真係值得推介！龍蝦、蟹、鮑魚、海蝦、元貝、魚、帶子、蜆。真係超級豐富，最開心係全程有專人服侍，我哋完全唔使憂心，每樣海鮮蒸幾多分鐘都有店員幫手負責。
仲有得玩夾海鮮機一次，好似夾公仔咁，見到好多蟹但係我哋夾唔中，不過就幾好玩又有氣氛。
最先出場嘅係龍蝦
我哋用白汁煮，清甜而且又好彈牙，啖啖肉好味道。
蟹
蟹膏多到爆出嚟，蟹肉鮮甜多汁。
鮑魚
綠色嘅翡翠汁好特別，食落有香草味，鮑魚新鮮生猛，蒸嘅時候仲扎扎跳。
海蝦
士多啤梨蟹籽醬，我都係第一次食真係好新奇，開邊蒸方便食得滋味。
元貝、帶子
同樣都係連貝殼一齊正，肉厚多汁，食過返尋味。
魚
當晚係多寶魚，魚肉好鮮嫩。
蜆
相對其他海鮮就比較細，味道不錯！
淨係食海鮮可能唔夠飽，但係如果食埋之後嘅八寶蒸飯就一定好滿足啦！我哋可以自由選擇八款材料，喺最後階段一齊蒸飯，有肉有蔬菜，所有嘅精華都落晒啲飯度，每一啖都好味過煲仔飯！值得推介下次再嚟食！
張貼
