影片
更多
2018-07-31
85 瀏覽
從朋友口中聽聞此店北京填鴨非常唔錯，而且裝修有特色（記得探訪埋個茅廁，有驚喜！），單係食環境都值回票價，就揀左呢度同幾位長輩食飯。全店裝潢花左唔少心思，古色古香，好似瞬間由香港走進老北京既空間，坐低後發現透明玻璃枱下竟然有一精緻魚缸，兩條活潑金魚你追我逐，係呢間傳統裝潢的餐館裡顯得格外生氣勃勃！胡同素鵝素鵝一向係我至愛的素食，外皮香脆，咬落去散發濃厚豆香。麻辣土豆絲我超愛的小菜，土豆絲夠幼夠爽口，少少麻辣好開胃。京燒排⻣係最有驚喜的一道菜，醬汁微酸帶甜，肉質腍得黎仍然有咬口，又入晒味，食得一條真係意猶未盡...紅油抄手不過不失的小吃，令人留下深刻印象係個堆超刺激生蒜蓉，一食精神為之一振，重口味之選！午門面青即係准山炒豬頸肉，初時仲以為係薯仔片，爽爽地少少粉，後來先知原來係准山，好特別，同豬頸肉都幾配，個汁甜甜地好惹味，送飯一流，不過就偏油。老家烤魚熱騰騰冒住煙上枱已經好吸引，香氣撲鼻，桂花魚肉質嫩滑，好快就被清得乾乾淨淨。北京填鴨萬眾期待的主角終於壓軸出場！呢度係半隻份量，已經夠我地六人食，少食多滋味，始終啖啖油唔食得多，鴨皮夠香脆又juicy, 一半淨皮一半連肉，我就鐘意每款夾一塊，
全店裝潢花左唔少心思，古色古香，好似瞬間由香港走進老北京既空間，坐低後發現透明玻璃枱下竟然有一精緻魚缸，兩條活潑金魚你追我逐，係呢間傳統裝潢的餐館裡顯得格外生氣勃勃！
胡同素鵝
素鵝一向係我至愛的素食，外皮香脆，咬落去散發濃厚豆香。
麻辣土豆絲
我超愛的小菜，土豆絲夠幼夠爽口，少少麻辣好開胃。
京燒排⻣
係最有驚喜的一道菜，醬汁微酸帶甜，肉質腍得黎仍然有咬口，又入晒味，食得一條真係意猶未盡...
紅油抄手
不過不失的小吃，令人留下深刻印象係個堆超刺激生蒜蓉，一食精神為之一振，重口味之選！
午門面青
即係准山炒豬頸肉，初時仲以為係薯仔片，爽爽地少少粉，後來先知原來係准山，好特別，同豬頸肉都幾配，個汁甜甜地好惹味，送飯一流，不過就偏油。
老家烤魚
熱騰騰冒住煙上枱已經好吸引，香氣撲鼻，桂花魚肉質嫩滑，好快就被清得乾乾淨淨。
北京填鴨
萬眾期待的主角終於壓軸出場！呢度係半隻份量，已經夠我地六人食，少食多滋味，始終啖啖油唔食得多，鴨皮夠香脆又juicy, 一半淨皮一半連肉，我就鐘意每款夾一塊，有皮又有肉，麵粉皮夠熱夠軟熟，又有麵粉香，食了兩三件，感覺非常幸福！
為呢餐作結的甜品係高力豆沙，及老佛爺米糕，高力豆沙食得多，老佛爺米糕就第一次食，好奇究竟係點樣既甜品，原來係外脆內軟磚狀的米糕，外皮香香脆脆似飯焦，內裡淡淡米香，沾上清香桂花糖，果然係一道巧手甜品。
張貼
