小曼谷泰國美食 (南角道)

營業中

休息中

今日朋友聚會，佢話想食泰國嘢，咁食泰國嘢就一定會去到九龍城啦。要食梗係食好啲，喺OpenRice一搵底下發現小曼谷呢一間泰國嘢算係好平比較多同埋出名嘅一間店，所以就入去試一試啦。一入到去間餐廳，店員即刻幫我哋安排座位，非常之有禮貌。雖然我哋得兩個人，但係實在太多款泰國嘢都好想去試一試，所以都叫得比較多，非常滿足。不過好彩就係呢一間小曼谷佢嘅價錢唔算太貴，非常親民，令我哋試咗好多款唔同嘅泰國菜。我哋試咗馬拉盞炒通菜啦，燒烏頭，咖喱雞，海南雞，仲叫埋杯椰子水爽一爽😛😛 首先講吓佢嘅飲品椰子水先，佢嘅椰子好大個，裏面又甜又多汁，椰子水真係食泰國菜必備嘅嘢食嚟㗎。然後我最鍾意食就係佢嗰個咖喱雞，咖喱汁真係非常惹味，味道剛剛好，唔會話太辣又或者太甜，攞嚟送飯或者送薄餅一流。另外佢嘅燒烏頭都唔錯㗎，烏頭肉質鮮嫩，烤一烤佢呢個味道就更加鮮同埋更突出。☺️而馬拉盞炒通菜都非常高水準，佢嘅通菜炒得唔會話太林，食落仲係幾爽口，同時又入味喎。😍😍😍總嘅來講，我覺得呢度嘅泰國菜性價比好高，就算係兩個人黎，都唔會話驚太貴而唔敢試多啲款嘅泰國菜，價錢親民，食物質素好，係九龍城泰國菜數一數二嘅好餐廳。