Lab Eat Bistro (豉油街) (已結業)

今日約咗朋友喺旺角食飯，驚佢推介之下嚟咗呢間西餐廳，見到同牛扒相關嘅宣傳就俾佢吸引咗。環境好適合聚餐，昏暗感十足，好有feel，餐牌上嘅選擇都好豐富。《乜蟹都有》$118對於鍾意食蟹嘅我哋來講呢個毫不猶豫就嗌左，貌相好靚之餘，有大量嘅蟹肉蟹子同埋蟹柳，前菜沙律來講真係一個好嘅選擇，全部配料撈埋一齊好清甜，亦都好開胃。《Iberico Pork Chop》$268主菜方面我哋揀咗呢個黑毛豬扒，grilled得好好，紋理好靚，肉味濃但唔酥，都算幾鬆軟！好味。《short ribs》$358嚟呢度當然唔少得牛扒啦!我哋揀咗呢個12安士嘅慢煮牛扒，由於佢係慢煮嘅關係所以肉質非常稔，同埋鬆軟，同時佢嘅肉味都好濃，再加上油脂比較豐富所以入口好Juicy，鍾意油脂比較多嘅人士啊呢個就最啱。而配菜方面我哋揀咗黑松露薯條，夠粗夠脆，仲要係有皮薯條！好味。《tropical sunshine》$78 & 《Yuzu Blossom》$78嗌咗兩杯Cocktail，覺得都幾好飲，唔算好甜又有足夠果香。