尚點 小籠包.上海菜館 (悅來坊) (已結業)

之前去過長沙灣分店食過，覺得d野食都好味，今次黎到大窩口又發現有另一間分店，就入左黎食左個lunch。哩度有午市套餐同散叫，我地叫左個set 加散叫幾款小食小菜，跟餐會有一道前菜同飲品。再次黎番食係因為除左野食好味之外，選揀多都係我再同fd黎既原因。鮮肉小籠包 $40上次食過覺得好好味所以要再食！包住好多湯汁好鮮味呀，皮薄料多！香煎牛肉包 $42牛肉包比較少見，一上枱聞到香噴噴，熱辣辣既包好軟熟，入面既牛肉調味得好味，唔錯哦！蝦仁雞火炒飯 $68哩個炒飯我幾欣賞，炒得干身飯係粒粒分開，重點係唔會好油，雞火應該係叉燒黎，我食左2碗。蔥爆牛肉 $78我地係比較中意食牛肉，所以除左牛肉包，都點左哩碟炒牛肉。用左京蔥蒜頭等爆香炒牛肉當然係好味啦，牛肉好林又入味，中意食牛既人可以一試！套餐-紅燒獅子頭 $76加左$10轉菜飯，我其實係第一次食獅子頭，今次初嘗似食緊好大粒既肉丸，係好林，都幾好味。豆沙鍋餅 $38係一款幾傳統既上海餐館甜品，即叫即整好熱好香口，多豆沙含但唔會好甜，好好味！