四點金飯店 (已結業)

今晚又同屋企人出去食晚飯，去咗呢間叫「四點金」嘅中菜廳食 😋沙茶韮菜豬血（$48）：呢個係我爸爸嘅至愛，佢仲會加埋胡椒粉嚟食，啲豬血好滑，鍾意食豬血嘅人唔好錯過！豆醬蒜蓉炒秋葵（$74）：秋葵健康，但唔係度度都有得食，難得呢度有得食！芥末脆木耳（$48）：木耳好爽口！鳳梨梅羔一字骨（$92）：個汁酸酸甜甜，開胃！正宗澄海滷水獅頭鵝（$178）：下面仲有啲豆腐，滷水滷得入味，好啱送飯！香脆招牌蛋散（$24/半打）：甜品係經典嘅蛋散！蛋散本身炸到好鬆化好脆，有別於平時係酒樓食到嘅蛋散，佢唔係加糖漿，而係加練奶同黃糖，簡簡單單，食到大家都lam lam脷！ 😋