更多
2021-02-11
3757 瀏覽
由於禁左晚市堂食既關係，好耐無食日式放題。今日年三十晚，想食餐勁既，不如就食返餐午市日式放題啦。地點就當然係我最鍾意既老銅滿屋。午市12點至4點，任何兩個鐘任飲任食，收費$183+10%，平過晚市之前$238+10%。驚喜地發現原來午市同之前晚市黎既order紙係一摸一樣！Order紙一共有14張，種類都非常多。1）刺身13款最愛北海道帶子，厚身啖啖肉兼鮮甜甜蝦必食，鮮甜，蝦頭有汁大赤蝦唔算大，但係非常爽脆日本油甘魚厚切，食落魚香四溢三文魚都好新鮮肥美赤貝雖然細塊，但係好爽脆象拔蚌大部分都好脆仲試左吞拿魚同北寄貝，其他刺身有希靈魚，松葉蟹棒，彷鮑片同酒煮榮螺片2）壽司6款池魚王必試，質素可媲美omakase，只係比較薄切仲試左廣島蠔同柚子油甘魚腩，其他壽司有京蔥三文魚腩，黑松露吞拿魚醬油漬同黑松露赤蝦3）火炙壽司4款同芝味系列3款辣汁燒三文魚試過都唔錯，唔太辣仲試左鹽燒左口魚邊，其他火炙壽司有蟹油蒜香燒帆立貝，秘醬厚燒玉子火炙厚燒芝士鰻魚既鰻魚的確幾厚，加一小塊薄薄既芝士係上面都幾好食仲試左醬燒芝士鮮蝦都ok，其他芝味系列有芝士長腳蟹棒4）創作壽司4款海苔牛油果醬伴鮑汁元貝鵝肝伴帶子忌
驚喜地發現原來午市同之前晚市黎既order紙係一摸一樣！Order紙一共有14張，種類都非常多。
甜蝦, 大赤蝦, 日本油甘魚, 北海道帶子
64 瀏覽
0 讚好
0 留言
1）刺身13款
最愛北海道帶子，厚身啖啖肉兼鮮甜
甜蝦必食，鮮甜，蝦頭有汁
大赤蝦唔算大，但係非常爽脆
日本油甘魚厚切，食落魚香四溢
三文魚都好新鮮肥美
赤貝雖然細塊，但係好爽脆
象拔蚌大部分都好脆
仲試左吞拿魚同北寄貝，其他刺身有希靈魚，松葉蟹棒，彷鮑片同酒煮榮螺片
2）壽司6款
池魚王必試，質素可媲美omakase，只係比較薄切
仲試左廣島蠔同柚子油甘魚腩，其他壽司有京蔥三文魚腩，黑松露吞拿魚醬油漬同黑松露赤蝦
辣汁燒三文魚, 火炙厚燒芝士鰻魚
30 瀏覽
0 讚好
0 留言
3）火炙壽司4款同芝味系列3款
辣汁燒三文魚試過都唔錯，唔太辣
仲試左鹽燒左口魚邊，其他火炙壽司有蟹油蒜香燒帆立貝，秘醬厚燒玉子
火炙厚燒芝士鰻魚既鰻魚的確幾厚，加一小塊薄薄既芝士係上面都幾好食
仲試左醬燒芝士鮮蝦都ok，其他芝味系列有芝士長腳蟹棒
4）創作壽司4款
海苔牛油果醬伴鮑汁元貝
鵝肝伴帶子
忌廉芝士玉子
燒海膽吞拿魚茸
呢張order紙入左，但係可能miss左，所以試唔到。
5）手卷三款
北寄貝沙津
龍蝦沙律
海膽
香蔥吞拿魚茸, 三文魚籽軍艦
26 瀏覽
0 讚好
0 留言
5） 軍艦 4款
香蔥吞拿魚茸軍艦雖然唔見左d香蔥，但係吞拿魚茸都好滑，如果份量多d同紫菜脆d就更好
仲試左三文魚籽軍艦，其他軍艦有海膽魷魚同蟹子
花之戀
25 瀏覽
0 讚好
0 留言
6）卷物6款
花之戀都唔錯
雙重芝士鰻魚卷
鐵火卷
芒果蟹卷
加州卷
海鮮火焰三文魚卷
漏過一次單，之後再落就有黎
鹽燒牛舌, 牛油翠玉瓜, 燒新鮮菠蘿
20 瀏覽
0 讚好
0 留言
7）串燒6款
燒新鮮菠蘿係必食，非常juicy，食完成塊面都係汁
鹽燒牛舌調味唔錯，有d咬口但係都算淋
牛油翠玉瓜爽脆又唔算太油
鹽燒海蝦
鹽燒鷄翼
沙爹鷄肉串
8）一品料理6款
避風塘炒雞軟骨只有4粒雞軟骨，肯定唔會過飽，調味一d都唔辣
和風汁牛柳粒
牛油炒粟米
泰式炒梛菜
七味醬燒墨魚仔
鐵板和風牛舌
燒羊鞍
22 瀏覽
0 讚好
0 留言
西京比目魚
16 瀏覽
0 讚好
0 留言
蒲燒鰻魚
18 瀏覽
0 讚好
0 留言
鹽燒雞軟骨
13 瀏覽
0 讚好
0 留言
9）燒物6款
西京比目魚必食！魚肉超滑魚皮超脆仲燒得燶燶地好香，味道甜甜地，加d沙律醬更好味
蒲燒鰻魚撒上白芝麻粒，又香口又彈牙，加上濃濃既鰻魚汁，上檯時仲係暖暖地，好正
燒羊鞍唔係每一轉d質素都係穩定，但係好食個轉真係燒得外脆内嫩，唔會過熟，肉汁仲可以鎖得住，調味亦好好味道
鹽燒雞軟骨燒得乾身，有少少燶邊，粒粒都脆口，又唔會過咸，好好味
黃金焗蠔
七味燒三文魚鰭變左燒鯖魚
鮮茄蝦湯海鮮鍋
17 瀏覽
0 讚好
0 留言
10）煮物6款
鮮茄蝦湯海鮮鍋，鮮茄湯底超清甜同濃厚，蔬菜量超多，好多娃娃菜，鮮茄粒，小棠菜，一隻大冬菇，仲有粉絲同金菇。叫左走蝦真係全走但係加左好多連殼既蜆肉，想食得健康d必叫
瑤柱海鮮粥
喇沙海鮮鍋
日式黑蒜油拉麵
雪花肥牛窩
牛肉烏冬
辣酒煮東風螺
20 瀏覽
0 讚好
0 留言
11）厨師推介6款
辣酒煮東風螺真係幾辣，一共有大概十粒東風螺，肉質新鮮好食
香辣雞翼尖
四川風味炒鴨腎
串燒和風牛肉
竹笙瑤柱蟹肉翅
御品鮑汁燴花膠
蕃薯, 苦瓜, 溫室南瓜, 虎蝦
23 瀏覽
0 讚好
0 留言
12）天婦羅5款
虎蝦唔算細隻，新鮮炸起，肉質鮮甜爽脆，可以encore
試左溫室南瓜，蕃薯同苦瓜。另外仲有蟹棒
自家製吉列炸蠔, 芝士年糕, 水牛芝士
16 瀏覽
0 讚好
0 留言
榴槤炸彈
9 瀏覽
0 讚好
0 留言
13）炸物5款
最愛榴槤炸彈！外皮薄薄，裏面超多榴槤醬流出黎，超辣嘴，連唔食榴槤既我都encore左3次
自家製吉列炸蠔必試，炸皮唔算厚而超脆，入面蠔汁豐富，好食
芝士年糕有d似榴槤炸彈，但係有dQ彈，中間係流流地心既芝士，食完唔覺膩
水牛芝士中間咬開超拉絲
芝麻雞翼
HD Ice-cream Cups
21 瀏覽
0 讚好
0 留言
14）雪糕
每人只可以揀一杯雪糕，全都係大牌子包括Haagen Dazs，Movenpick 同 Dreyer's。每個牌子都有幾款揀。Haagen Dazs今日有Belgian Chocolate， Caramel Biscuit & Cream 同芒果。净係呢杯雪糕出街食都唔少錢。
除左Order紙，仲有其他自助野食同飲品自己攞。有Sake任飲。
有沙律，日式前菜同壽司卷物，款式比之前晚市少，都理解既，價錢都平左。
有炸薯條同麥樂鷄。
有韓國泡菜，車厘茄同popcorn。
有熱食如青菜，湯水，炆牛腩等等。但係無左我最愛既芝士撻
甜品有好多唔同口味既蛋糕仔，慕斯杯，布丁杯等等。款色比之前晚市好似少左d，不過我地都無試lu。
水果有蜜瓜同哈密瓜，不過我太遲先攞，已經清左。
飲品櫃有好多不同種類既飲料，啤酒汽水果汁茶維他奶都有。
熱飲
47 瀏覽
0 讚好
0 留言
維他奶仲有熱既！呢個我最欣賞，旺角分店無架！最愛熱黑芝麻豆奶！
總括而言，食物款式衆多，好食既食物好多，夠你大飽口福。雖然無可避免有漏單既情況出現，不過兩小時絕對夠時間食飽飽。座位舒適，兩個人霸佔四人座，足夠私隱度。$183+10%呢個價錢都幾抵食，食完仲有半日慢慢消化。生意勁好，基本上滿座。
張貼
