鮨政

營業中

休息中

今日同老公收工之後去食飯，就話係開心星期五，專登搵咗間靚啲嘅日本餐廳去慶祝終於放假嘅日子。我哋今次就食咗刺身壽司同埋和牛壽喜燒！🍣五點刺身拼盤，佢哋嘅刺身拼盤都非常之豐富，同埋吸引。最令我哋驚喜嘅係佢嘅油甘魚，比平時食嘅出色，佢哋嘅鮮味最令人難忘。其實仔細d望下張相影出黎既刺身，就會見到佢地既光澤度係一流，好新鮮，因為佢地既客人係源源不絕，黎完一枱又一枱，食材去得好快，唔會有類唔晒，要壓住貨既問題，所以真心全部都係好新鮮，而往往食魚生最重要就係食新鮮，所以真係好推介嫁！🥩和牛壽喜燒，之後我哋都好滿意佢哋嘅和牛壽喜燒，壽喜燒係我哋兩個都好鍾意食嘅其中一個菜式，佢今次嘅壽喜燒牛肉汁非常之好食，唔會太甜，又唔會太油膩，而且令到個牛肉更加出味。