影片
更多
2020-06-19
1217 瀏覽
上星期同幾個舊同事飯聚，席間有人提起吃放題，甚麼日式、韓式、泰式，甚至連滬菜放題都有，大家都說得眉飛色舞。講起上嚟都有好耐無食過上海菜，坐言起行，所以立即 book 咗星期五晚去位於國際廣場 6 樓嘅「上海婆婆 336」，皆因餐廳早排推出咗個晚市「滬式放題」，每位$148，便可於 90 分鐘內任點任食多款上海名菜，加 $40 即 $188，更可享多 6 款升級菜式如蟹粉小籠包、花膠雲吞雞，性價比甚高！因為一早訂咗檯，所以到埗後便可以即時入座。先睇下點菜紙，食物分為七大類，當中包括有點心、飯麵、豬牛、雞類、湯類、河海鮮、小炒蔬菜，另外自助區就有冷盤同甜品供應。先外出拿些冷菜和包點，有雞絲粉皮、鎮江小排骨、油燜小竹筍、酒醉毛豆、手拍黃瓜、鎮江肴肉、四喜烤麩、京蔥手切牛肉包、蔥花家常薄餅等。粉皮外表透薄又滑溜，配上濃香的麻醬，清新不膩。肴肉做得幾有層次，吃起來滲出甘醇酒香、味道不會過鹹。烤麩鬆軟，加上索滿汁，濃郁入味。家常薄餅口感煙煙韌韌，入口帶麵粉香。點心方面，揀咗升級區的蟹粉小籠包，另外再加咗 336上海小籠包同紅油抄手。兩款小籠包都好好食，外皮厚薄適中，薄身又不易穿。尤其喜愛蟹粉口味，
講起上嚟都有好耐無食過上海菜，坐言起行，所以立即 book 咗星期五晚去位於國際廣場 6 樓嘅「上海婆婆 336」，皆因餐廳早排推出咗個晚市「滬式放題」，每位$148，便可於 90 分鐘內任點任食多款上海名菜，加 $40 即 $188，更可享多 6 款升級菜式如蟹粉小籠包、花膠雲吞雞，性價比甚高！
因為一早訂咗檯，所以到埗後便可以即時入座。先睇下點菜紙，食物分為七大類，當中包括有點心、飯麵、豬牛、雞類、湯類、河海鮮、小炒蔬菜，另外自助區就有冷盤同甜品供應。
先外出拿些冷菜和包點，有雞絲粉皮、鎮江小排骨、油燜小竹筍、酒醉毛豆、手拍黃瓜、鎮江肴肉、四喜烤麩、京蔥手切牛肉包、蔥花家常薄餅等。
粉皮外表透薄又滑溜，配上濃香的麻醬，清新不膩。肴肉做得幾有層次，吃起來滲出甘醇酒香、味道不會過鹹。烤麩鬆軟，加上索滿汁，濃郁入味。家常薄餅口感煙煙韌韌，入口帶麵粉香。
點心方面，揀咗升級區的蟹粉小籠包，另外再加咗 336上海小籠包同紅油抄手。兩款小籠包都好好食，外皮厚薄適中，薄身又不易穿。尤其喜愛蟹粉口味，以新鮮豬脢肉、蟹粉和肉湯，滿滿的包在透薄皮內，咬開有豐富肉汁，帶肉鮮又有蟹粉的甘香。
紅油抄手外形脹卜卜，餡料很飽滿，入口偏甜不辣，吃下挺開胃。
豬牛點咗黑醋排骨，估唔到咁大碟，排骨的肉質好嫩滑，加上黑醋汁調得酸甜適中，很惹味。
湯類點咗升級區的花膠雲吞雞，呢個係二人份量，Size 啱啱好，熱辣辣上檯。湯底帶濃郁雞香，火喉十足，飲得出無落味精，加埋花膠和自製嘅菜肉雲吞，真係正到無朋友！
河海鮮點咗松子魚同清炒河蝦仁，松子魚賣相甚具氣勢，面頭掛上紅當當的醬汁，魚肉外脆內滑，配合糖醋汁的酸甜，開胃惹味，是必食嘅 item。河蝦晶瑩剔透，味道鮮甜，啖啖肉、好爽口。
最後來碗婆婆擔擔麵，麵條很爽滑，做到掛汁效果，湯頭濃厚，入口除了有麻醬香外，還有陣陣花生香。
甜品只拿了擂沙湯丸和凍桂花蘆薈。湯丸軟綿煙韌，食落香甜滑溜，加上面頭灑滿了厚厚的黃豆粉，入口微甜不膩，為這頓晚餐完美作結。
張貼
