坡島 (已結業)

天后美食臨立，呢間坡島新開無耐，坡取新加坡嘅坡字，即係主打新加坡美食，天后第一間新加坡菜，老闆真係識搵地點！午餐有午市套餐，五十零至七十蚊，呢度海南雞飯唔錯，大大份，好多雞，而且雞好滑，套餐有菜、飯、湯，飲品，好扺。仲叫左豬扒叻沙，豬扒幾脆口，肉唔鞋，不過叻沙湯夠濃唔夠香，差少少。呢度環境幾好，坐得舒服，唔會趕客，服務員態度几nice，值得加分！下次可以試下佢肉骨茶，我見隔離枱食完大讚，連湯都飲哂！