坡島 (已結業)

🍖 肉骨茶套餐 $67💯 評分：🌕🌕🌕🌕🌑 (4/5)💬 肉骨茶嘅味道相當濃郁，肉質可以軟腍啲！油炸鬼都算脆卜卜，生菜亦條條分明好夠味，成個套餐非常下飯。🤩🐏 小印度煎羊扒椰漿飯 $79💯 評分：🌕🌕🌕🌕🌗 (4.5/5)💬 煎羊扒嘅油香非常飽滿，肉質既鮮嫩又多汁，配上粒粒分明又有嚼勁，椰味超級濃郁嘅椰漿飯，啖啖豐富嘅層次幸福感爆燈！🤤🥘 娘惹喇沙海南雞摻摻 $69💯 評分：🌕🌕🌕🌕🌕 (5/5)💬 海南雞超級大件，口感非常滑溜，而喇沙嘅辣度亦都恰到好處，油麵溝米粉令到層次感十分豐富，清晒成份絕對夠飽！😋💙 FB：坡島Singapore Island

去完砲台山東岸公園新景點遊玩，即興嚟到呢邊食埋晚餐先。隨機搵咗呢間新加坡餐廳，晚餐價錢合理，於是決定一試。首先係豬頸肉椰漿飯， 豬頸肉比較燶，偏瘦， 椰漿飯味道唔錯，有少許椰汁味，略嫌唔夠重味。 椰漿飯配合脆口花生同魚乾仔，口感好，加分。娘惹叻沙配香茅雞扒， 雞扒大塊夠肉汁。 湯麵好香，一嚟先飲一啖湯，椰汁味夠， 帶點蝦味，夠哂鮮甜。 擺咗一陣，湯麵已經吸咗五分一碗湯，待應見到即刻額外給我們一碗湯，話面太乾會唔好食，真係好細心呀。咖哩牛腩筋農夫包，個包超香，又脆，配合咖哩味，好出色，牛筋牛腩都軟林，成個菜色好夾。不得不推介肉骨茶（二至三人份量）， 用gas爐， 熱住個茶， 熱辣辣嘅肉骨茶， 味道好正，有好幾嚿肉，仲有冬菇，藥材味唔會太重，我好鍾意呀，仲有油條吸哂茶嘅精華，大讚。另一重點係，侍應超體貼嘅服務， 不斷溫馨提示我地用餐要點， 整餐飯都好滿意。

咖喱汁香滑，冇椰奶，唔辣，濃稠，咖喱汁呈黃色，啱唔食辣人仕，好餸飯。豬扒厚切嫩滑，表面炸得酥脆，值得一讚。配菜有最鍾意既青瓜，點咖喱食一流。交通方便，價錢中等，都算有地道風味。

我經常中午到此店吃午飯,食物品質及服務都算到位,昨晚經過順便買左個招牌牛尾飯外買,回家一看只得一件牛尾同一件萝白,雖然味道一樣但份量比堂食差很遠,堂食另外跟一碟菜芯但外賣只有三片小青瓜,一樣是70蚊一個餐,為什麼外賣會差這麼多?

今日lunch係天后搵嘢食，搵到呢間新加坡菜。我哋叫咗豬扒喇沙槮槮同豬頸肉撈出前一丁。豬扒炸到甘香多汁，有配酸辣醋，可以解油膩。槮槮粉係油面加米粉，啖啖充斥晒喇沙湯底。湯底唔會太濃，太椰香味，啱啱好。另外豬頸肉都出色，撈丁個醬料濃度啱啱好。

一向都喜愛星、馬、泰菜，來這區上課，又近港鐵站，當然要搜尋下，快閃來個“坡”菜。晚餐menu有好幾款選擇, 海南雞、肉骨茶....好掛住那陣藥材味😆呀，來個肉骨茶set吧。嘩！一放下見大大舊👍3件肉骨，湯嘅色澤好深，再加上冬菇杞子；湯充滿濃濃甜甜的藥材香味，杞子味較突出，肉骨煮得透、腍、入味，而且啖啖肉，大食嘅都應該夠飽。太耐冇飛，都忘記了所謂嘅「正宗」味道，冇緊要，食物煮得好食，就係美食，懶理它正唔正宗。

今日經過天后呢邊諗住搵啲新嘅野試吓經過左呢一間星加坡菜見價錢唔係幾貴就決定入來試一試晏晝方面午餐大致五十幾到七十幾有交易我就叫咗一個秘製黑醬油雞扒撈麵雞扒方面份量都幾多下大大份炸得都幾脆下而撈麵方面份量都幾多下不過個人就覺得佢比較油膩唔知係咪因為啲黑醬油加咗好多油落去一齊撈加埋個雞扒方面都係炸所以成餐都覺得有少少油膩不過整體來講六七十蚊加上環境都算唔錯最後我加咗$8要做杯拉茶你試一試味道未算好優秀 不過如果經過嘅話都可以入嚟試一試

在openrice點餐後，好快個餐就ready好。今次點左個海南雞飯，雞的份量算多，飯的份量都多，就系青瓜量少d。雞肉夠滑，飯夠味，就鹹左少少。個餐跟碗湯及餐飲，碗湯夠味，好飲，就系杯檸茶得兩片檸檬。整體質量不俗。

平時比較少行開天后，被問到天后有咩好食都啞左系到，難得去到天后，揀左好耐自搵到一間想食既食店，最主要系門口寫到最出名系椰漿飯，原本都想話一試高下，但無奈天氣真系太凍，想去食番一D又夠熱又微辣既食物，有喇沙呢個選擇一樣都令人引唔住興奮左先一聽喇沙就諗起新加坡🇸🇬，諗起新加坡又諗起肉骨茶🤣sorry叉開左話題，今次點既喇沙系滲滲，換言之米粉同油麵兩溝，到底好冇食？🥰🤭賣廣告，睇下面👉🏻滲滲秘製豬頸肉喇沙 $59👍🏻午餐跟餐飲，凍飲先需要另加錢先講個湯底都幾濃椰香味，唔會太辣，1-10分辣大約3分辣左右，配料上有加豆卜、半邊蛋，半邊蛋系全熟，而主腳點可以介紹漏豬頸肉，正常地豬頸肉系另上，唔會浸住堆喇沙湯，而且個豬頸肉有配到酸醬，特別開胃🥰飲品方面冇揀太多花巧野，就咁一杯熱檸水，正常地跟左匙仔同包裝糖😎📯裝修格局有少少似入左精品酒店，左右兩邊牆身一邊系油漆一邊系木板設計，另外，牆身加左紫藍色/白色既霓虹燈，系唔同位置坐有唔同既感受，咁啱坐既位置近紫燈，所以影左出嚟既效果都比較偏紫藍左🤣整體來說，呢個價錢包埋凍飲、份量足夠、配料安排，系可以接受，落單同上餸時間都順暢，系味道上食到最後，感覺椰奶過

古法牛尾，推介炆到入晒味又夠諗，而且又無牛尾既酥味，做得好好送飯一流蘿白清甜無渣仲入晒味，配菜都咁正，真係驚為天人豬排配椰槳咖哩飯餐湯似唔夠賣再加水，怪怪地豬排好有驚喜，厚切有肉汁，好好味，推介參芭醬香得黎唔辣，d 香料味配椰槳飯真係好夾，店員仲好好比多少少我送飯我地坐既位聞到茶膽好香，但飲落又無咩特別我地早黎食晚飯，坐得幾舒服，店內仲有洗手間，都幾乾淨 二人晚餐＄140，咁抵仲要咁好味，性價比非常高，會再幫襯，見佢晚市真係無咩人食，大家去開呢邊不妨支持下

天后電氣道有好多好野食，但行後一條街都有間小店專食新加坡野，而且價錢親民，座位都坐得舒服，值得一試！因喺附近返工，我呢一兩年都幫襯過好多次。➡️ 香茅雞排娘惹叻沙米粉 ($62) + 秘製豬頸肉娘惹叻沙米粉 ($62) ⭐️⭐️⭐️⭐️餐廳都好細心，雞排同豬頸肉會分開上，而且份量好多，食落食到有炭烤味同熱辣辣，係即叫即做👍🏻。叻沙湯亦有炸魚片，豆腐卜同熟蛋，好足料！值得一試！坡島地址📍: 天后銀幕街23號地舖.............................. 味道😋: ⭐️⭐️⭐️⭐️環境👀: ⭐️⭐️⭐️💫服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

住好近所以外賣自取，剛剛舖頭比漏了一杯飲品，打落去問，姐姐仔馬上答應送上來，還說了幾次不好意思，態度專業大加分！ 其實人有錯手經常都會發生，好好地講聲唔好意思嘅，D客都順氣曬啦！ 叻沙真係很好食， 正宗椰香又唔漏，雞扒豬扒次次都熱辣辣，正。加埋佢點的汁， 蒜頭味超香，記得要點吓。呢個叻沙我地係無限回購。配上凍白咖啡，perfect！！！另外佢海南雞飯其實都正， 個雞首先係大份，肉量好多，男仔啱曬！ 然後味道都唔錯，推薦。

平時好中意食新加坡野，今日行開銅鑼灣就search到呢間食新加坡菜嘅餐廳！行到門口見到間餐廳裝修都幾令，光線又充足就即刻行入去e肚先睇完餐牌諗都唔洗諗就叫咗個海南雞飯餐先！呢個餐有一碗油飯、一份雞同菜，份雞都幾大份，食落又嫩又滑好juicy(至怕d雞又乾又鞋...）個油飯好香又夠熱，個人覺得成個餐好抵食!朋友叫咗杯龍眼冰 有勁多龍眼肉...試咗一啖味道幾清甜！而我就叫咗杯柚子蜜，佢哋加左片檸檬，飲落都好清爽整體來講，呢間餐廳俾好足料，食完一定飽住走，勁滿足絕對會再嚟試其他嘢

平時都好少會吃新加坡野食因為依排肺炎嚴重而搵唔到口罩，去到銅鑼灣都買唔到，就再試吓直踩落天后搏吓運氣估唔到就同新加坡美食結緣啦都行到餓啦，就搵間餐廳食野啦緊係，但響依啲咁嘅時勢  就緊係要搵間乾淨企理先入去架啦！我響對面馬路睇咗一陣，發現依間餐廳門口都乾淨企理，入面員工都非常之注重衞生。非常之乾淨嘅我就決定揀佢！其實都多人食，等咗5-10分鐘左右就到我啦一入到去就即時見到好大塊嘢  都幾吸引如果唔係好肚餓，我都會即時影張相打個卡先！（臨走前有做返）到重點啦：1·  叫咗個古法炆牛尾餐有一碟菜心，一碗飯 同 牛尾煲個牛尾比起出面個啲  牛味更加香濃   一啲都唔穌   口感好林個汁有少許藥材味  偏甜味無苦味  送飯食一流！2·  叫了兩個小食    五香肉卷 & 坡島春捲五香肉卷  第一舊無點醬就咁食  好香脆香口之後點埋個醬再食  令成件肉卷更好食  因為有啲辣味（建議點醬食  味道升華）坡島春卷  入口甜甜地  又幾開胃3·   龍眼冰龍眼肉非常之多，所以有自然甜 ，而杯飲品整體上調得又唔會太甜  ，好解渴！整體來講   由點餐到美食到  時間好短而嘢食質素頗高！值得一試！

昨晚係天后，想搵餐廳懲罰，但又唔多想食... 又係行來行去，最後就試呢間...入到去見到Ben Sir, 咁即係就算唔黃都唔會藍啦！太好了~ 我唔敢打擾佢老人家，只係間唔中望向佢個邊... 心有好多說話想同佢講!講番間野先，老實講唔難食，但亦唔算好食，我就應該唔會再黎食啦，但經濟實惠咁囉~鮮蝦叻沙+青檸梳打 $62+15叻沙都係“迷湯”架啦，佢呢個無特別，就算加埋佢隻“森巴醬”都只係正正常常，蝦就“梅”既，唔新鮮，但呢個都係“常見”既情況，我點左参參， 但佢個油麵應該唔多靚，有陣好油既感覺，但米粉係偏多既，都叫平衡到.青檸梳打... 唔明點點青檸咁黃...海南雞飯套餐+凍檸茶 $68+3海南雞一向開心在無骨，但佢有骨，仲有少少碎骨，亦唔算好滑...飯重班蘭味，黃黃地但又唔似油飯或黃薑...醫肚ok既，好唔好食就見人見智啦～