湯煲私房火鍋 (已結業)

呢度消費滿$1000就滿開瓶費，同一班朋友黎就岩晒啦！食物點評✍🏻✍🏻✍🏻花膠雞煲湯底我地兩個女仔緊係食啲滋補架啦，用原隻鮮雞煲成，加上花膠，金華火腿，龍眼，杞子，好清香鮮味既湯，打邊爐之前就要飲下啲湯先，花膠充滿膠質，好濃香呀🌟🌟金豬拼盤一個拼盤有齊三款高級靚豬，西班牙黑毛豬梅肉肥得黎有啲煙韌，肉味香濃，唔會鞋口；日本白金豚腩肉肥美柔嫩，層次分明，香既肉味又唔會食到成口油；宮崎黑豚腩肉同樣鮮香肥嫩，肥瘦分明，滿滿肉香✨✨點心丸比較特別既一個點心，係用蒸籠放住既蝦丸同豬肉丸，蝦丸爽口彈牙，粒粒蝦肉，鮮味十足；豬肉丸煙韌有咬口，好彈牙，口感好好💫💫點心奶皇包呢個絕對係甜品，食到幾飽都要食呀！奶皇包用既係水晶皮，煙煙韌韌，一咬開就爆晒啲奶皇餡出黎，好香甜，奶皇味好重，超正⭐️⭐️呢度除佐環境好，仲有高質食材湯底，絕對係香港火鍋界食材天花版，火鍋界首選！而且佢地仲有珍饈十三味點心火鍋：食客可以由34款美點食材入面簡13款，專for2位客人，想試多啲但份量唔駛多既客人🔥🔥