影片
更多
2018-11-13
121 瀏覽
朋友一直大讚尖沙咀嘅酒鍋環境坐得舒適，而且每一款湯底都好有特色，所以今次四個人就去試吓。店員親切有禮，即時安排我哋坐卡位位置，就連卡位位置都非常寬敞，六個人坐都可以。一張火鍋紙上面都已經有多款火鍋配料選擇，不過湯底實在太多選擇了，每一款都好想試吓，最後我哋投票選了新派場-酒鍋台式佛跳牆火鍋湯底。當然女士們見到呢個火鍋湯底必定要叫，因為有抗衰老、滋補養顏同埋延年益壽等功效，而且價錢都只係$488，非常抵食。等火鍋期間先上一份小食-三拼台式麻辣小鍋，當中嘅鴨血非常入味。一上火鍋湯底我們都嘩言一聲，因為賣相實在太精緻，有幾層切成四方形的芋頭條疊高，還有火鍋店的名字旗插在芋頭上，隨即拍攝加錄影。而湯底入面非常多配料，越煲越’傑‘，湯底面頭有一浸衣。火鍋配料林林總總，首先就係我最鍾意嘅黑松露蝦蟹餃，一份有六大隻，而且脹卜卜好足料咁，食落去蝦蟹肉餡料非常多，皮薄餡靚，難怪每一台客人都有order。海鮮拼盤只係$368，當中大蝦非常新鮮，爽口彈牙，味道鮮甜。亦都估唔到，稻庭烏冬好入味，每一條都有靭度，仲要好索味，又係必食食物之一。另外仲Order咗掛架頂級美國安格斯牛小排、珍珠筍、蔬菜拼盤同埋雜菌拼
朋友一直大讚尖沙咀嘅酒鍋環境坐得舒適，而且每一款湯底都好有特色，所以今次四個人就去試吓。店員親切有禮，即時安排我哋坐卡位位置，就連卡位位置都非常寬敞，六個人坐都可以。
一張火鍋紙上面都已經有多款火鍋配料選擇，不過湯底實在太多選擇了，每一款都好想試吓，最後我哋投票選了新派場-酒鍋台式佛跳牆火鍋湯底。
當然女士們見到呢個火鍋湯底必定要叫，因為有抗衰老、滋補養顏同埋延年益壽等功效，而且價錢都只係$488，非常抵食。
等火鍋期間先上一份小食-三拼台式麻辣小鍋，當中嘅鴨血非常入味。
一上火鍋湯底我們都嘩言一聲，因為賣相實在太精緻，有幾層切成四方形的芋頭條疊高，還有火鍋店的名字旗插在芋頭上，隨即拍攝加錄影。而湯底入面非常多配料，越煲越’傑‘，湯底面頭有一浸衣。
火鍋配料林林總總，首先就係我最鍾意嘅黑松露蝦蟹餃，一份有六大隻，而且脹卜卜好足料咁，食落去蝦蟹肉餡料非常多，皮薄餡靚，難怪每一台客人都有order。
海鮮拼盤只係$368，當中大蝦非常新鮮，爽口彈牙，味道鮮甜。
亦都估唔到，稻庭烏冬好入味，每一條都有靭度，仲要好索味，又係必食食物之一。
另外仲Order咗掛架頂級美國安格斯牛小排、珍珠筍、蔬菜拼盤同埋雜菌拼盤等。
飲品除咗涼茶之外，仲有多款特色嘅Mocktail 同埋Cocktail ，最後我就揀咗洛神花茶熱飲，酸酸甜甜的味道好開胃。
食完真係非常滿足，而且真係好好食，重點係各款食物都好新鮮，下次必定會再試吓其他鍋底。
張貼
